| e-texts navigator |
| Wylie |
142b1 མཉམ་བདུན་པ་རིན་པས་སྣང་།། གཉིས་མེད་ཡེ་ཤེས་ཟང་ཐལ་བས།། ཆོས་སྐུའི་ངང་ལས་མི་འདའ་བར།། ལོངས་སྐུའི་ཡེ་ཤེས་སྤྱན་དུ་སྣང་།། མཚན་ཉིད་འོད་ཀྱི་བུམ་པ་འཛིན།། སྦྲུལ་སྐུ་རིགས་ཀྱི་སྐུ་ལྔར་གསལ།།
142b2 བུམ་པ་ནང་གི་མར་མེ་གསལ།། རྟོག་མེད་གསལ་བའི་ངོ་བོར་གནས།། ཕྲ་དང་རགས་པའི་བྱེ་བྲག་ལས།། སྐུ་གསུམ་རིམ་པ་ང་ཡིས་བཤད།། ཛ་ལོག་རྣམ་གསུམ་དགོངས་པ་དེ།། སྐུ་གསུམ་ལྷུན་གྲུབ་དོན་དུ
142b3 བསྟན།། དེ་འཆད་སྟོན་པའི་ལོ་རྒྱུས་ནི།། ང་ཡི་གཞི་དང་བྱུང་ཚུལ་དང་།། ང་ཡི་ཤེས་པ་རྫོགས་ཚུལ་དང་།། ང་ཡི་འཁྲུལ་པའི་རིགས་དྲུག་སྣང་བ་ལ།། ང་ཡི་འཁྲུལ་པ་ལོག་རྐྱེན་བྱས།། དེ་ཕྱིར་སྐྱེ་རྒྱུད་དགོངས་པ
142b4 ཡིན།། སྟོན་པ་རྡོ་རྗེ་སེམས་དཔའ་ངས།། སངས་རྒྱས་ཡེ་ཤེས་ལུས་ཅན་དང་།། འགྲོ་དྲུག་བག་ཆགས་ལུས་ཅན་གཉིས།། རྟོགས་དང་མ་རྟོགས་བྱེ་བྲག་ལས།། ཡེ་ཤེས་འོད་ལས་སྣང་བར་བསྟན།། འབྱུང་བའི་དངས
142b5 མ་རྣམ་པ་ལྔ།། སངས་རྒྱས་སེམས་ཅན་ལུས་སུ་བསྟན།། གཉིས་ཀ་མ་ཡིན་འབྱུང་བ་རྣམ་པ་ལྔ།། ཤ་ཁྲག་ལུས་སུ་བསྟན་པ་ཡིན།། དེ་ལ་མུ་བཞིར་ཕྱེ་སྟེ་བཤད།། བག་ཆགས་ལུས་ལ་གནས་པ་ནི།། ཙིཏྟ་རིན་ཆེན
142b6 གཞལ་ཡས་ནི།། འབྱུང་བའི་དངས་མ་རྩ་རླུང་དང་།། རང་རིག་ཡེ་ཤེས་གནས་ལུགས་ནི།། མཚོན་དཔེ་རྣམས་དང་སྦྱར་ཏེ་བསྟན།། ལུས་ཀྱི་ཀུན་གཞི་དགོངས་པ་ཡིན།། བག་ཆགས་ལུས་ལ་སྐུ་གསུམ
iiif viewer powered by OpenSeadragon
