| e-texts navigator |
| Wylie |
142a1 གསལ།། ཐུགས་རྗེ་འགགས་མེད་སྙིང་པོའི་སྐུ།། དབྱེར་མེད་རིག་པའི་ངང་ན་གནས།། ནང་གསལ་ཕྱིར་མ་འཕྲོས་པ་སྟེ།། པདྨ་འཁྱིལ་ཞེས་བཤད་པ་ཡིན།། སྐུ་གསུམ་ནང་གསལ་འདུ་འབྲལ་མེད་པ
142a2 ལས།། ཐུགས་རྗེ་མ་འགགས་སྐུ་ཉིད་ཕྱིར་ཤར་ཏེ།། པདྨ་ལས་གྲུབ་སྦྲུལ་སྐུ་འོད་གསལ་བས།། ངེས་པའི་འཁོར་ཚོགས་ང་ཡི་ཡུལ་དུ་སྣང་།། དེ་དུས་ང་ཡི་སྐུ་ཡི་རྒྱུད་ཆེན་ནི།། དཔག་བསམ་ཤིང་ལྟར་ཡོངས་སུ་རྒྱས
142a3 པར་བཤད།། དང་པོའི་གནས་ལུགས་བར་དུ་འཁྲུལ་ལུགས་དང་།། ཐ་མ་འཁྲུལ་པ་ལྡོག་པའི་ཐབས།། ནང་མེད་ནང་ནས་ཕྱི་རུ་ཤར་ལུགས་དང་།། རྩལ་གྱི་སྣང་བ་མཚན་མ་སྣ་ཚོགས་རྣམས།། རང་ལ་སྣང་ཞིང་རང
142a4 ལས་གཡོས་པ་མེད།། མཚན་མ་སྣ་ཚོགས་རང་གི་ངང་དུ་དག། དྲི་མེད་སྐུ་དང་ཡེ་ཤེས་གཞི་ཡི་ངང་དུ་ཐིམ།། རང་གསལ་འཛིན་པ་མེད་པར་བཤད།། དུས་གསུམ་སངས་རྒྱས་དགོངས་པ་བརྒྱུད་པ་ཡི།། སངས་རྒྱས
142a5 ཞལ་ནས་གསུངས་པར་ངེས་ཤེས་བསྐྱེད།། སོ་སོའི་ཕུན་སུམ་ཚོགས་པ་རྣམ་པ་ལྔས།། ས་ཕྱོགས་ངེས་དང་ཆོས་ངེས་དང་།། དབང་པོ་ངེས་དང་དུས་ངེས་དང་།། རང་རིག་ངོ་བོ་མི་འགྱུར་བར།། ཡེ་ཤེས་ཟང་ཐལ་སྣང
142a6 བས་ཁྱབ།། ཐིག་ལེ་ཉག་གཅིག་ངང་དུ་རྫོགས།། དེ་ལྟར་སྣོད་བཅུད་རང་གྲོལ་བས།། དང་པོའི་འབྱུང་གནས་ཆེན་པོ་ཤེས།། བར་དུ་རྩ་ལ་གནས་པ་ཤེས།། ཐ་མ་གྲོལ་བ་ཉག་གཅིག་ཤེས།། དུས།། གསུམ་ཡང་འདུག
iiif viewer powered by OpenSeadragon
