| e-texts navigator |
| Wylie |
141b1 བཤད།། ཐིག་ལེ་གསང་བའི་ཡི་གེ་གསུམ་དུ་བསྟན།། དེ་ཡི་དོན་གྱི་དགོངས་པ་གསལ་བྱའི་ཕྱིར།། ཐིག་ལེ་ཀུན་འདུས་ཆེན་པོ་གསུང་དུ་གསོལ།། ཞེས་ཞུས་སོ།། དེའི་ཚེ་སྟོན་པས་བཀའ་སྩལ་པ། ཀྱེ་རྡོ་རྗེ་སེམས
141b2 དཔའ་འཁོར་དང་བཅས་པ་རྣམས་ངེས་པར་ཟུང་ཞིག། ངས་རྒྱུད་ཐམས་ཅད་ཀྱི་ཁོག་དོན་སོ་སོའི་མཚན་དང་ལེའུ་བསྡུས་ཏེ། དོན་གྱི་སྙིང་པོ་གསལ་བའི་དགོངས་པར་བཤད་དོ།། ཞེས་གསུངས་སོ།། ཐིག་ལེ་ཀུན
141b3 འདུས་ཆེན་པོ་ལས། གླེང་གཞི་དང་གླེང་སློང་བའི་ལེའུ་སྟེ་དང་པོའོ།། །། གྲག་ཏ་ཀཱ་ཡ་ཏནྟྲ་ཨ་ཏྲ་ག་ལ་ངས་སུ་ཨ། དེའི་ཚེ་བཅོམ་ལྡན་འདས་རྡོ་རྗེ་འཆང་ཆེན་པོ་དེས། འགྱུར་བ་མེད་པའི་ཆོས་ཀྱི་སྐུའི་ཏིང་ངེ
141b4 འཛིན་ལ་ཞུགས་སོ།། དེའི་ཚེ་གསང་བའི་བདག་པོས་ཞུས་པ། ཀྱེ་བཅོམ་ལྡན་རྡོ་རྗེ་འཆང་། འགྱུར་བ་མེད་པའི་སྐུའི་དོན་མཚོན་རྒྱུད་ཀྱི་དགོངས་པ་གསུངས་ཞེས་ཞུས་སོ།། དེའི་ཚེ་ཏིང་ངེ་འཛིན་ལས་མི་འགྱུར་བའི
141b5 ང་ནས། སྐུའི་རྒྱུད་བཀའ་སྩལ་པ། རིགས་ཀྱི་བུ་ལེགས་པར་ཟུང་ཞིག། གཞི་འགྱུར་བ་མེད་པ་ཆོས་ཀྱི་སྐུ་དང་འབྲས་བུ་འགག་པ་མེད་པ་ཡེ་ཤེས་གཟུགས་ཀྱི་སྐུ་གཉིས། དོན་འདུ་འབྲལ་མེད་པ་ལྷུན་གྱིས་གྲུབ་པ།
141b6 དེ་གཏན་ལ་དབབ་པའི་ཆེད་དུ། ངས་པདྨ་འཁྱིལ་བའི་རྒྱུད་འདི་བསྟན་ནོ།། རིག་པ་འཛིན་པ་ངོས་ཟུང་ཞིག། ཆོས་ཉིད་ཆོས་སྐུ་དབྱེར་མེད་ཀློང་།། དྲི་མ་དག་གསལ་མཚན་ཉིད་ལྔ།། ཡེ་ཤེས་འོད་ཀྱི་བུམ་པ
iiif viewer powered by OpenSeadragon
