| e-texts navigator |
| Wylie |
140b1 ལེན་པས་ལས་ཀྱི་བར་དོ་འདིར་ལས་དགེ་སྡིག་གིས་མ་བསྒྲིབས་པ་ཤིན་ཏུ་གལ་ཆེའོ།། བར་དོ་དེས་རང་གི་སྣང་བ་འོད་ལྔ་རང་གི་རིག་པའི་རང་འོད་རང་ལ་ཤར་བར་ངོ་ཤེས་ན་སྐད་ཅིག་མ་གསུམ་ལ་སངས
140b2 རྒྱའོ།། དེས་ན་སྐད་ཅིག་མ་གསུམ་པ་ལ་འགྲོ་དྲུག་ཏུ་འཁྱམས་པ་མི་སྲིད་དོ།། ཀྱེ་གསང་བའི་བདག་པོ་དེའི་ཕྱིར་ན་གདམས་ངག་འདིའི་གནད་མི་ཤེས་ན་མི་ཕན་ནོ་ཞེས་གསུངས་སོ།། དེ་ནས་སངས་རྒྱས་འོད་ཀྱི
140b3 ཕུང་པོས་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་རིགས་དྲུག་གི་སེམས་ཅན་འཁོར་བར་འཁྱམས་པ་ནི་རང་གི་སྣང་བ་འདི་ངོ་མ་ཤེས་པས་འཁྲུལ་པའི་སྣང་བ་སྣ་ཚོགས་སུ་བྱུང་ནས་འཁོར་བར
140b4 འཁྱམས་སོ།། རྡོ་རྗེ་སེམས་དཔའ་སངས་རྒྱས་པ་དེ་ཡུལ་ཆོས་ཉིད་ཀྱི་ཀློང་དུ་རང་གི་སྣང་བ་ཡེ་ཤེས་འོད་དུ་གསལ་བ་དེ་རང་སྣང་ཡིན་པ་ལ་ཡིན་པར་ཤེས་ནས་སངས་རྒྱའོ།། རང་གི་རང་སྣང་ཡེ་ཤེས་འོད་དུ་གསལ
140b5 བ་དེ་རང་སྣང་ཡིན་པར་ངོ་ཤེས་ན་ལས་དགེ་སྡིག་གཉིས་ཀྱིས་ཕན་བཏགས་པ་དང་གནོད་པ་བསྐྱལ་བ་མེད་དོ།། དེའི་ཕྱིར་ན་ལས་ལ་དགེ་སྡིག་མེད་པ་ཡིན་ནོ་ཞེས་བཀའ་སྩལ་ཏོ།། སངས་རྒྱས་ཐམས་ཅད་ཀྱི
140b6 དགོངས་པ་ཚིག་གསུམ་པའི་རྒྱུད་ལས་གདམས་ངག་ཅན་གནད་ངོ་ཤེས་པས་སངས་རྒྱ་བའི་ལེའུ་སྟེ་གསུམ་པའོ།། །། རྒྱལ་བ་རྡོ་རྗེ་སེམས་དཔའི་དགོངས་པ་ཚིག་གསུམ་པའི་རྒྱུད་སངས་རྒྱས་ལག་འཕྲད
iiif viewer powered by OpenSeadragon
