| e-texts navigator |
| Wylie |
140a1 པས་རང་འོད་དུ་ངོ་ཤེས་ནས་སངས་མི་རྒྱ་མི་སྲིད་པས་སྲིད་པའི་བར་དོ་ཡིན་ནོ།། རང་གི་རིག་པའི་རང་འོད་ངོ་མ་ཤེས་ན་འགྲོ་དྲུག་ཏུ་མི་འཁོར་མི་སྲིད་པས་ཀྱང་སྲིད་པའི་བར་དོ་ཡིན་ནོ།། ཀྱེ་གསང
140a2 བའི་བདག་པོ་རང་གི་རིག་པའི་རང་འོད་ལ་དུས་རྟག་ཏུ་བལྟའོ།། ཨེ་མ་ཧོ།། ལས་ཀྱི་བར་དོ་ནི་སངས་རྒྱས་ཀྱི་རང་འོད་ངོ་མ་ཤེས་པས་འཁོར་བ་རུ་མ་བཟློགས་པར་རིགས་དྲུག་གི་སྣང་བ་འཆར་རོ།། དུག་ལྔའི་ལམ
140a3 ལ་ཞག་དྲུག་འགྲིམ་མོ།། ལྷའི་འོད་དཀར་པོ་བཀྲག་མེད་འཆར་རོ།། དེ་ལ་ཤེས་པ་ཞུགས་ན་ལྷར་སྐྱེའོ།། དེ་བཞིན་དུ་ལྷ་མ་ཡིན་གྱི་འོད་སྔོན་པོ་བཀྲག་མེད། མིའི་དམར་པོ། བྱོལ་སོང་ལྗང་གུ། ཡི་དྭགས་སེར་པོ།
140a4 དམྱལ་བའི་ནག་པོར་འཆར་རོ།། ཨེ་མ་ཧོ་འགྲོ་བ་རིགས་དྲུག་གི་འོད་ལ་ཤེས་པ་ཞུགས་པས་སྐད་ཅིག་མ་གཉིས་པ་ལ་རྫོགས་ལྡན་མུན་པ་ནག་པོའི་ཁམས་ཉིན་མོ་ཉི་མའི་སྣང་བ་མེད། ནུབ་མོ་ཟླ་བའི་སྣང་བ་མེད།
140a5 ནང་ནུབ་མེའི་སྣང་བ་མེད། ཆར་དང་རླུང་དང་མུན་ནག་གི་ནང་ན་ཤིན་ཏུ་སྡུག་བསྔལ་ལོ།། དེ་ཡང་དཔེར་ན་ཉི་མ་ནུབ་པས་མུན་པ་སྲོས་པ་དང་འདྲའོ།། དེ་ནས་ཞག་བདུན་མུན་པ་སངས་ནས། ལྷན་ཅིག་སྐྱེས་པའི
140a6 ལྷ་དང་། ལྷན་ཅིག་སྐྱེས་པའི་འདྲེ་གཉིས་ཀྱིས་གཤིན་རྗེའི་གམ་དུ་ཁྲིད་དེ་ལས་གྱི་མེ་ལོང་བལྟར་བཅུག་ནས་ལས་དགེ་སྡིག་གི་རྡེའུ་གང་མང་བསྒྲངས་པའི་བར་དེར་དགེ་སྡིག་གཉིས་སྟོབས་གང་ཆེ་བའི་འབྲས་བུ
iiif viewer powered by OpenSeadragon
