| e-texts navigator |
| Wylie |
13b1 ཕྱིར།། འཇིག་རྟེན་བལྟ་བ་གྲངས་མང་ཡང་།། དོན་འདི་རྟོགས་པ་ཤིན་ཏུ་དཀའ།། གསང་སྔགས་ཉིད་ལས་ཐབས་སྤྱོད་པ།། གཞན་འབྱུང་ཆོས་ལ་ལྟོས་པ་མེད།། རང་སྣང་ཆོས་ཉིད་དཀྱིལ་ཡངས་པས།། མཐུན་པའི
13b2 ཡུལ་སྣང་ལམ་དུ་སྣང་།། ཆོས་དབྱིངས་རྒྱན་དང་ལྡན་བྱས་ནས།། གསང་སྔགས་ལམ་དུ་ཡང་དག་སུ་སྤྱོད་པ།། དམིགས་མེད་ཡུལ་གྱི་སྣང་བ་ཆོས་སྐུའི་ངང་།། འདས་དང་མ་འདས་ཚིག་གི་ལམ།། ཆོས་ཀྱི་སྐུ་ནི
13b3 མཚན་མའི་ཚིག་ལས་འདས།། དམིགས་པའི་རྐྱེན་ལས་ཆོས་སྤྱོད་ཀུན་ཏུ་སྣང་།། རྡོ་རྗེ་དབྱངས་མཁན་མ་ཉིད་རབ་ཏུ་ཆོས་ཉིད་ཞི།། ཀུན་འབྱུང་སྣང་བ་ཆོས་ཉིད་གཞི་ལས་རོལ།། རྟོགས་དང་མ་རྟོགས་ཚིག་གི་མཐའ
13b4 དཔྱོད་པ།། འདས་པའི་སྐུ་ནི་ཡུལ་ལ་སྣང་འབྱུང་བས།། མཚོན་བྱེད་ཆོས་སྐུའི་སྣང་བ་ལས།། མཐའ་ཡས་ཚིག་ཏུ་མེད་པའི་དོན་ཉིད་ཀུན་ཏུ་སྣང་།། སྤྱོད་པ་ཉིད་ལ་སྤྱོད་རྒྱུ་ག་ལ་ཡོད།། གསང་བའི་ཡེ་ཤེས་འོད
13b5 གསལ་ཀུན་ཏུ་སྣང་།། ཆོས་སྐུ་འགྱུར་མེད་ཐིག་ལེའི་ཀློང་གནས་པས།། རྟོག་མེད་བསམ་གཏན་ཉིད་ལ་བསམ་དུ་མེད།། སངས་རྒྱས་སྐུ་ནི་ཀུན་ཏུ་གསལ་མཛེས་ལྡན།། མིང་ཡང་སྣ་ཚོགས་མཚན་མའི་ཡུལ་མེད
13b6 ཅིང་།། ཆོས་དང་ཆོས་མིན་སྣང་བ་འདྲེས་ཤིང་མཚུངས།། ཐུགས་ཀྱི་དཀྱིལ་འཁོར་རྣམ་པ་ཀུན་རྟོགས་པས།། སེམས་ཅན་ཀུན་གྱི་སྣང་བ་དག་པ་ནི།། སྣང་དང་སྣང་བར་བྱེད་པའི་ཡུལ་མ་ཡིན།། མིན་སྣང་མ་ཡིན
iiif viewer powered by OpenSeadragon
