| e-texts navigator |
| Wylie |
13a1 སྔགས་ཚིག་དང་ཡེ་བྲལ་བས།། དགོངས་པའི་བཞག་ཐབས་དོན་ལ་ཟུག། རྣམ་རྟོག་མཚན་མ་ཡེ་མེད་པས།། གསལ་དང་དྲོད་དང་བསིལ་སྣང་བའོ།། རྐྱེན་མེད་ཡེ་ཤེས་རང་སྣང་ཡུལ་ལ་རྣམ་པར
13a2 རོལ།། ཡང་དག་གསང་སྔགས་ཚིག་གི་བདེན་པ་ཉིད།། རང་གི་བློ་ཡི་སྣང་བའི་ཐེ་ཚོམ་ཐམས་ཅད་སེལ།། འཁོར་བའི་སྡུག་བསྔལ་ལམ་ལས་གྲོལ་བའོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་ལས། ཐབས་ཀྱི
13a3 འདུལ་ཐབས་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་རིགས་ཀྱི་ལྷ་མོ་འོད་ཀྱི་ཕྲེང་བ་ཅན་གྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་སེམས།། ཁམས་གསུམ་འཁོར་བའི་སེམས་ཅན
13a4 ལ།། རིགས་ཕྱེ་གདམས་ངག་བསྟན་པའི་གནས།། ཉེ་བའི་འཁོར་ལ་གསུང་དུ་གསོལ།། དེ་སྐད་རབ་ཏུ་ཞུས་ནས་ཀྱང་།། བདེ་བའི་སྟན་ལ་རབ་ཏུ་འདུག། འཛུམ་པའི་གར་དང་རོལ་མོ་ཡིས།། གཙོ་བོ་ཉིད་ལ་རབ་ཏུ
13a5 མཆོད།། དེ་ནས་བཅོམ་ལྡན་སྐུ་ཉིད་ཀྱིས།། ལྷ་མོ་མཛེས་པའི་ཚོགས་རྣམས་ལ།། གསང་བའི་ངེས་དོན་ཆོས་རྣམས་བསྟན།། ཀྱེ་ཧོ་རིགས་ཀྱི་སེམས་མ་ཉོན།། ང་ཡིས་གང་ཟག་རིགས་བཤད་ཀྱིས།། ཁྱོད་ཀྱིས་སྡོམ
13a6 པའི་དཀྱིལ་འཁོར་ཟུང་།། དོན་གྱི་སྙིང་པོ་ཡེ་ཤེས་ནི།། མཐའ་གཉིས་ལ་ཡང་མི་གནས་ཏེ།། དོན་གཅིག་ཀུན་ཏུ་སྟོན་པར་འཇུག། དཀྱིལ་ཡངས་ཡེ་ཤེས་དཀྱིལ་འཁོར་ལྡན།། ཆོས་ཉིད་མིང་ལས་རབ་སྣང
iiif viewer powered by OpenSeadragon
