| e-texts navigator |
| Wylie |
139b1 འོང་ངོ་།། འོད་ནི་བདེ་བར་གཤེགས་པའི་རང་འོད་ཕྲ་ལ་དངས་པ། གསལ་ལ་འཚེར་བ། རང་བཞིན་གྱིས་བཀྲག་ལ་ཉམ་ང་བ། སོས་ཀའི་ཐང་ལ་སྨིག་རྒྱུ་འགྱུ་བ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་ཁེངས
139b2 ནས་མེར་རེ་རེ་འོང་ངོ་།། དེ་ལ་མ་འཇིགས་ཤིག། སྒྲ་ནི་འོད་ཀྱི་ནང་ཐམས་ཅད་ནས་ཆོས་ཉིད་ཀྱི་རང་སྐྲ་འབྲུག་སྟོང་ལྡིར་བ་ཙམ་དྲག་ལ་སྒྲ་ཆེ་བ་དི་རི་རི་འོང་ངོ་།། དེ་ལ་མ་སྔངས་ཤིག། འོད་ལས་ཟེར་མཚོན་ཆའི
139b3 ཆར་འབབ་པ་ཙམ་འབྱུང་སྟེ། དེ་ཡང་ཆར་པ་འབབ་པ་འདྲ་བ་མཚོན་ཆའི་རྣམ་པ་སྣ་ཚོགས་པ་ཟིང་ཟིང་པ་འོང་ངོ་།། དེ་ལ་མ་སྐྲག་ཅིག། དེ་གསུམ་ལ་མི་འཇིགས། མི་སྔངས། མི་སྐྲག་པ་ནི་ད་ལྟའི་ཉམས་ལེན
139b4 གསུམ་ཉམས་སུ་བླངས་པས་མི་འཇིགས་སོ།། མི་སྔངས་སོ།། མི་སྐྲག་གོ། དེའི་ཕྱིར་ན་དག་པའི་སྣང་བ་ལ་འདྲིས་པར་བྱའོ།། ཀྱེ་ཀྱེ་རྡོ་རྗེ་འཛིན་པ་ཆེན་པོ་བར་དུ་བླ་མ་དང་ཡི་དམ་མཁའ་འགྲོའི་སྣང་བ་འཆར
139b5 རོ།། རིགས་ཀྱི་བུ་འོད་དེ་ལ་མ་འཇིགས་སྒྲ་དེ་ལ་མ་སྔངས། ཟེར་དེ་ལ་མ་སྐྲག་པས་རྒྱུན་དུ་རང་གི་རིག་པའི་གདངས་ཡིན་ནོ་ཞེས་ཟེར་ནས་ལུང་སྟོན་ནོ།། དེ་ལ་བླ་མའི་ལུང་བསྟན་ནི་བླ་མ་ལ་མོས་གུས་ཆེ་བས་འོང
139b6 ངོངོ།། ཡི་དམ་གྱི་ལུང་བསྟན་ནི་ཕྱི་ནང་གསང་བའི་དབང་རྫོགས་པ་ལས་འོང་ངོ་།། མཁའ་འགྲོའི་ལུང་བསྟན་ནི་གསང་སྔགས་ཀྱི་དམ་ཚིག་མ་ཉམས་པ་ལས་འོང་ངོ་།། རིགས་ཀྱི་བུ་སྲིད་པའི་བར་དོ་ནི་ལུང་བསྟན
iiif viewer powered by OpenSeadragon
