| e-texts navigator |
| Wylie |
139a1 སྐྱེལ་མ་ལྟ་བུའི་ལེའུ་སྟེ་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་སངས་རྒྱས་འོད་ཕུང་ཆེན་པོ་འཆི་ཁའི་གདམས་ངག་སུན་མ་ལྟ་བུ་གསུང་དུ
139a2 གསོལ་ཞེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོ་ཆེན་པོས་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་བར་གྱི་སུན་མ་འཆི་ཁ་ཡིན་ནོ།། དེ་ལ་གསུམ་མོ།། ཕྱིའི་འབྱུང་བ་རྡིབས་པ་དང་། ནང་གི
139a3 འབྱུང་བ་འདས་པ་དང་། གསང་བའི་འབྱུང་བ་རྫོགས་པའོ།། གསང་བའི་འབྱུང་བ་རྫོགས་པས་ན་དབུགས་ཆད་པའི་དུས་དེར་འབྱུང་བ་དངས་སྙིགས་འབྱེད་དོ།། སྙིགས་མ་ཕུང་པོ་ལ་ལས་སོ།། དངས་མ་ཡེ་ཤེས་ཀྱི
139a4 འོད་ལྔ་ཆོས་ཉིད་ཀྱི་ནམ་མཁའ་ལ་འཆར་རོ།། བར་དོར་སྐུ་ལྔ་ཡེ་ཤེས་ལྔ་ལྡན་གྱི་སུན་མ་འོང་ངོ་།། དེ་ངོ་ཤེས་པས་ཆོག་གོ། དེ་ངོ་ཤེས་པར་གྱིས་ཤིག། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ
139a5 ལྡན་འདས་པར་དོའི་གདམས་ངག་ཁྱིམ་ལྟ་བུ་གསུང་དུ་གསོལ་ཞེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོས་བཀའ་སྩལ་པ། ཀྱེ་རྡོ་རྗེ་འཛིན་པ་ཆེན་པོ་བར་དོ་ལ་གསུམ་ཡིན་ནོ།། ཆོས་ཉིད་བར་དོ་དང་།
139a6 སྲིད་པའི་བར་དོ་དང་། ལས་ཀྱི་བར་དོ་དང་གསུམ་ཡིན་ནོ།། ཨེ་མ་ཧོ་རིགས་ཀྱི་བུ་དབུགས་ཆད་པ་དང་ཞག་ལྔར་དག་པའི་སྣང་བ་འཆར་རོ།། དེའི་དུས་སུ་སུན་མ་གསུམ་འོང་ངོ་།། འོད་དང་། སྒྲ་དང་། ཟེར་གསུམ
iiif viewer powered by OpenSeadragon
