| e-texts navigator |
| Wylie |
138b1 འདས་ཀྱིས་བཀའ་སྩལ་པ། གསང་བའི་བདག་པོ་སྦྲུལ་སྐུའི་ཉམས་ལེན་ནི་སྒྲ་དང་། འོད་དང་། ཟེར་གསུམ་ལ་བལྟའོ།། སྒྲ་ནི་རྣ་བ་བཀག་ལ་བལྟའོ།། འོད་ནི་སྲིད་པའི་མེ་ལོང་ལ་མིག་བཙུགས་ལ་བལྟའོ།། ཟེར་ནི
138b2 ཉི་མའི་སྙིང་པོ་ལ་བལྟའོ་ཞེས་བཀའ་སྩལ་ཏོ།། དེ་ནས་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་འདས་རྩའི་གནས་ལུགས་གསུང་དུ་གསོལ་ཞེས་ཞུས་སོ།། དེ་ནས་སངས་རྒྱས་འོད་ཀྱི་ཕུང
138b3 པོས་བཀའ་སྩལ་པ། གསང་བའི་བདག་པོ་ཁྱོད་ཉོན་ཅིག། རྩའི་གནས་ལུགས་ལ་གསུམ་ཡིན་ནོ།། རྩ་རོ་མ་དང་། རྐྱང་མ་དང་། ཀུན་འདར་མ་དང་གསུམ་མོ།། རྩ་རོ་མ་ནི་སྙིང་ཡིན་ནོ།། གཉིད་དུ་སོང་བའམ
138b4 བརྒྱལ་བའམ་དབུགས་ཆད་ཙ་ན་འབད་པའི་ཐ་མར་དར་གྱི་ཕོ་ལོང་བརྡབས་པ་ཙམ་རོ་དང་འདྲ་བར་སོང་བས་རོ་མ་ཡིན་ནོ།། རྩ་རྐྱང་མ་ནི་མིག་ཡིན་ནོ།། དེ་ཡང་རང་གི་རིག་པ་མིག་ལ་གཏད་མིག་པར་སྣང་ལ
138b5 གཏད་པའི་དུས་དེར་རྣམ་པར་རྟོག་པ་གང་གིས་ཀྱང་མི་བསྒྲིབས་པར་རྟོག་མེད་ཀྱི་རིག་པ་རྐྱང་པར་འཆར་བས་ན་རྩ་རྐྱང་མ་ཡིན་ནོ།། དེ་ནི་མིག་ཡིན་ནོ།། རྩ་ཀུན་འདར་མ་ནི་སྙིང་དང་གློ་བ་དང་ཁ་སྣར་འབྲེལ་ནས
138b6 དབུགས་ཀྱི་རྟ་ཕོ་ལ་སེམས་ཀྱི་མི་ཕོ་ཞོན་ནས་རྟོག་པ་ཀུན་རྒྱུ་བས་རྩ་ཀུན་འདར་མ་མགྲིན་པ་ཡིན་ནོ།། ཞེས་གསུངས་སོ།། སངས་རྒྱས་ཐམས་ཅད་ཀྱི་དགོངས་པ་ཚིག་གསུམ་པའི་རྒྱུད་ལས་ད་ལྟའི་གདམས་ངག
iiif viewer powered by OpenSeadragon
