| e-texts navigator |
| Wylie |
138a1 མཁའ་སུམ་ཕྲུགས་ཀྱི་གདམས་ངག་གོ། ཕྱིའི་ནམ་མཁའ་བར་སྣང་སྟོང་པ་འདི་ཡིན་ནོ།། ནང་གི་ནམ་མཁའ་མིག་དང་སྙིང་གཉིས་འབྲེལ་བའི་རྩ་སྨུག་སྟོང་པ་འདི་ཡིན་ནོ།། གསང་བའི་ནམ་མཁའ
138a2 རང་གི་ཙིཏྟ་རིན་པོ་ཆེའི་གཞལ་ཡས་ཁང་ངོ་།། རང་གི་རིག་པ་མིག་ལ་གཏད་མིག་པར་སྣང་ལ་གཏད་ནས་བཞག་པས་ཡེ་ཤེས་ལྷུག་པར་སྐྱེའོ།། དེ་ལ་གནས་ལུགས་ཟང་ཐལ་གྱི་དགོངས་པ་ཉོན་མོངས་པ་དང་རྣམ
138a3 པར་རྟོག་པས་མ་བསླད་པའི་རིག་པ་གནས་ལུགས་ཆོས་ཀྱི་སྐུ་ད་ལྟར་གྱི་ཤེས་པ་གསལ་ལ་མ་འགགས་པར་སལ་ལེ་ཐིག་གེ་བ། ཧུར་རེ། རྗེན་ནེ། རྣམ་རྟོག་གང་གིས་ཀྱང་མ་བསླད་པའི་རྟོག་མེད་ཀྱི་རིག་པ་མ
138a4 འགགས་པར་རྐྱང་པར་ཤར་བ། ཤེས་པ་བདེ་སིང་ངེ་བ། རིག་པ་དངས་སང་ངེ་བ། དྲན་པ་མ་འགགས་པ། འཛིན་རིག་མ་ཞུགས་པའི་གནས་ལུགས་མ་བཅོས་པ་དེ་ཁ་ལ་ཉམས་སུ་བླངས་པས་ཡེ་ཤེས་ལྷག་པར
138a5 སྐྱེའོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་བཅོམ་ལྡན་འདས་ལོངས་སྐུའི་ཉམས་ལེན་གསུང་དུ་གསོལ་ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ལོངས་སྐུའི་ཉམས
138a6 ལེན་ནི་རྡོ་རྗེ་སེམས་དཔའི་མེ་ལོང་གི་ནང་དུ་རིགས་ལྔའི་སྐུ་ལ་བལྟའོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་འདས་སྦྲུལ་སྐུའི་ཉམས་ལེན་གསུང་དུ་གསོལ་ཞེས་ཞུས་པས། བཅོམ་ལྡན
iiif viewer powered by OpenSeadragon
