| e-texts navigator |
| Wylie |
137b1 ལོངས་སྐུ་ཁ་མིག་རྣ་བ་ཅན་སྣང་བ་དེ་ཡིན་ནོ།། སྦྲུལ་སྐུའི་རྟགས་རང་གི་མིག་དང་བ་སྤུའི་བུ་ག་ནས་འོད་ཀྱི་གདངས་འཆར་བ་དེ་ཡིན་ནོ་ཞེས་གསུངས་སོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་སངས
137b2 རྒྱས་འོད་ཀྱི་ཕུང་པོ་ཆེན་པོ་དོན་གྱི་ངོ་སྤྱོད་གསུམ་གསུང་དུ་གསོལ་ཞེས་ཞུས་སོ།། འོད་ཕུང་ཆེན་པོས་བཀའ་སྩལ་པ། གསང་བའི་བདག་པོ་ཁྱོད་ཉོན་ཅིག། དོན་གྱི་ངོ་སྤྱོད་ལ་གསུམ་ཡིན་ནོ།། རང་གི་རིག་པ་མ
137b3 འགགས་པར་ཝལ་ལེ་གསལ་བ་འདི་སངས་རྒྱས་ཆོས་ཀྱི་སྐུ་ཡིན་ནོ།། རང་གི་ཤེས་རབ་ཀྱིས་མ་འགགས་པར་ཤེས་པས་ཤེས་རབ་ཀྱི་སྐུ་དང་སངས་རྒྱས་ལོངས་སྤྱོད་རྫོགས་པའི་སྐུ་ཡིན་ནོ།། རང་གི་རིག་པ་འོད་ཀྱི
137b4 ཕུང་པོར་བཞུགས་པས་སངས་རྒྱས་སྤྲུལ་པའི་སྐུ་ཡིན་ནོ།། རང་གི་རང་འོད་ཡུལ་ལ་འཆར་བས་སྣང་བ་འོད་ལྔར་ཤར་བ་ཡང་སྤྲུལ་པའི་སྐུ་ཡིན་ནོ།། རང་གི་སྙིང་གི་དཀྱིལ་ན་དངས་མ་ལྔའི་དབུས་ན་ཡེ་ཤེས་ཀྱི་འོད
137b5 ཁ་དོག་ལྔར་གནས་པ་དེ་ནི་སྤྲུལ་པའི་སྐུ་ཡིན་ནོ།། འོད་ལྔའི་སྦུབས་ན་སྐུ་ལྔ་གནས་པ་དེ་ནི་ལོངས་སྐུའོ།། སྐུ་དང་འོད་གཉིས་ལ་མི་རྟོག་པའི་རིག་པས་ཁྱབ་པར་གནས་པ་ནི་ཆོས་སྐུའོ་ཞེས་གསུངས་སོ།། དེ་ནས
137b6 ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་འདས་ཆོས་སྐུའི་ཉམས་ལེན་གསུང་དུ་གསོལ། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ཆོས་སྐུ་ཉམས་སུ་བླང་བ་ནི་ནམ
iiif viewer powered by OpenSeadragon
