| e-texts navigator |
| Wylie |
137a1 པ། ཀྱེ་བཅོམ་ལྡན་འདས་ད་ལྟའི་གདམས་ངག་སྐྱེལ་མ་དང་ལྟ་བ་རྣམ་པ་གསུམ་གསུང་དུ་གསོལ་ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། སྐྱེལ་མ་ལ་རྣམ་པ་གསུམ་ཡིན་ནོ།། དཔེ་དོན
137a2 རྟགས་གསུམ་མོ་ཞེས་གསུངས་སོ།། དེ་ནས་ཡང་གསང་བའི་བདག་པོས་ཞུས་པས། ཀྱེ་ཀྱེ། བཅོམ་ལྡན་འདས་དཔེའི་ངོ་སྤྲོད་གསུང་དུ་གསོལ་ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། གསང་བའི
137a3 བདག་པོ་དཔེའི་ངོ་སྤྱོད་ལ་གསུམ་ཡིན་ནོ།། ཤེལ་དང་། ཉི་མ་དང་། འདྲ་འབག་དང་གསུམ་མོ།། ཞེས་གསུངས་སོ།། གསང་བའི་བདག་པོས་ཞུས་པ། བཅོམ་ལྡན་འདས་རྟགས་ཀྱི་ངོ་སྤྱོད་གསུང་དུ་གསོལ་ཞེས་ཞུས
137a4 སོ།། བཅོམ་ལྡན་འདས་ཀྱིས་བཀའ་སྩལ་པ། རྟགས་ཀྱི་ངོ་སྤྲོད་ལ་གསུམ་ཡིན་ནོ།། ཆོས་སྐུ་རང་གི་སྙིང་གི་དཀྱིལ་ན་བཞུགས་པའི་རྟགས་རང་གི་མིག་ཡིན་ནོ།། ལོངས་སྐུའི་སྙིང་གི་ནང་ན་བཞུགས་པའི་རྟགས་རྡོ་རྗེ
137a5 སེམས་དཔའི་མེ་ལོང་བལྟས་པས་སངས་རྒྱས་ཀྱི་ཞིང་ཁམས་འཆར་བ་དེ་ཡིན་ནོ།། སྤྲུལ་པའི་སྐུའི་རྟགས་འཁྲུལ་པའི་སྣང་བ་འདི་དག་པའི་སྣང་བར་འཆར་བ་ཡིན་ནོ།། ཀྱེ་རྡོ་རྗེ་འཛིན་པ་ཆེན་པོ། ཆོས་སྐུའི་རྟགས
137a6 དེ་ལྟར་རང་གི་རིག་པ་མ་འགགས་པར་ཝལ་ལེ་བ་འདི་རང་ཡིན་ནོ།། ལོངས་སྐུའི་རྟགས་མེ་ལོང་གི་བྱད་ཤར་བ་མིག་ཕུག་སྟེ་མ་ཡེངས་པར་བལྟས་ནས་མདུན་གྱི་ནམ་མཁའ་ལ་བལྟས་པས་མདུན་གྱི་ནམ་མཁའ་ལ
iiif viewer powered by OpenSeadragon
