| e-texts navigator |
| Wylie |
136a1 ཁོས་ཤིག་ཅེས་སངས་རྒྱས་འོད་མི་འགྱུར་བས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་སངས་རྒྱས་འོད་ཀྱི་ཕུང་པོ་སངས་རྒྱས་ཀྱི་འཆར་ལུགས་གསུང་དུ
136a2 གསོལ་ཞེས་ཞུས་སོ།། དེས་རྣམ་པར་གྲོལ་བའི་སངས་རྒྱས་འོད་ཀྱི་ཕུང་པོ་ཆེན་པོ་དེས་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་ཁྱོད་ཉོན་ཅིག། རང་གི་རིག་པའི་རང་འོད་ངོ་ཤེས་པ་རྣམས་སྐུ་དང་ཡེ
136a3 ཤེས་སུ་གྲོལ་ལོ།། རིག་པའི་རང་འོད་ངོ་མ་ཤེས་པ་རྣམས་ལུས་དང་བག་ཆགས་སུ་འཁྲུལ་ལོ།། རང་འོད་ངོ་ཤེས་རུང་མ་ཤེས་རུང་སེམས་ཅན་ཐམས་ཅད་ལ་འཁྲུལ་པའི་སྣང་བ་འགགས་པ་དང་། དག་པའི་སྣང་བ
136a4 ཞག་ལྔར་འཆར་རོ།། དེ་ངོ་ཤེས་ན་རང་དག་པའི་སྣང་བ་དང་གཉིས་སུ་མེད་པར་ཐིམ་ནས་སངས་རྒྱའོ།། དེ་ནི་གདམས་ངག་ཅན་གནད་ཀྱི་སྒོ་ནས་སངས་རྒྱ་བ་ཡིན་ནོ།། སེམས་ཅན་ཐམས་ཅད་ལ་དག་པའི་སྣང
136a5 བ་ཡང་ནས་ཡང་དུ་ཤར་ཡང་རང་གི་ངོ་མ་ཤེས་པས་ལུས་དང་བག་ཆགས་སུ་འཁྲུལ་ལོ།། རིག་པའི་རང་མདངས་འོད་གསལ་ཆེན་པོ་ངོ་ཤེས་ན་སངས་རྒྱས་རྡོ་རྗེ་སེམས་དཔའི་གསང་ལམ་ཡིན་ནོ།། དེ་ནི་ངོ་ཤེས
136a6 པས་ཆོག་གོ། དོན་ཆེན་པོ་དེ་ངོ་ཤེས་པར་གྱིས་ཤིག་ཅེས་བཀའ་སྩལ་ཏོ།། སངས་རྒྱས་ཐམས་ཅད་ཀྱི་དགོངས་པ་ཚིག་གསུམ་པའི་རྒྱུད་ལས་རྡོ་རྗེ་སེམས་དཔའི་གསང་ལམ་བསྟན་པའི་ལེའུ་སྟེ་དང
iiif viewer powered by OpenSeadragon
