| e-texts navigator |
| Wylie |
135a1 རྒྱས་འོད་ཀྱི་ཕུང་པོ་ཆེན་པོས་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་རང་གི་རིག་པ་འགག་པ་མེད་པར་ཝལ་ལེ་བ་འདི་ཀ་སངས་རྒྱས་ཡིན་ནོ།། རང་གི་རིག་པ་ཝལ་ལེ་བ་འདི་ཀ
135a2 འབྲལ་བ་མེད་པས་སངས་རྒྱས་ཆོས་ཀྱི་སྐུ་ལ་སྒོམ་དུ་མེད་དོ།། རང་གི་རིག་པ་ཝལ་ལེ་བ་འདི་ཀ་སངས་རྒྱས་ཡིན་པས་རང་གི་རང་ངོ་ཤེས་པས་ཆོག་གོ། ཀྱེ་རྡོ་རྗེ་འཛིན་པ་ཆེན་པོ་རང་གི་རིག་པ་སངས་རྒྱས་སུ་ངོ
135a3 ཤེས་ནས་སངས་རྒྱས་ལ་སྐྱབས་འགྲོ་བྱར་མེད་དེ་ཉལ་བས་ཆོག་གོ། སངས་རྒྱས་ཡེ་ཤེས་ཀྱི་སྐུ་ལ་རྒྱུ་དང་རྐྱེན་གྱིས་བསྐྱེད་པའི་རིག་པ་མེད་པས་རང་གི་རིག་པ་ལ་གསལ་འགྲིབ་མེད་པ་ཡིན་ནོ།། རང་གི་རིག་པ
135a4 གསལ་འགྲིབ་དང་བྲལ་བས་ལས་དང་བག་ཆགས་ཀྱི་རྣམ་སྨིན་གྱིས་གོས་པ་མེད་དོ།། ལས་དང་ལས་ཀྱི་རྣམ་སྨིན་གྱིས་གོས་པ་མེད་པས་ལས་དགེ་སྡིག་བརྩི་རུ་མེད་དོ།། ཞེས་བཀའ་སྩལ་པས། གསང་བའི་བདག
135a5 པོས་རང་གི་དོན་ཆེན་པོ་ཐོབ་བོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ། སངས་རྒྱས་འོད་ཀྱི་ཕུང་པོ་ཆེན་པོ་སངས་རྒྱས་ཀྱི་ཡིན་ལུགས་དགུ་གསུང་དུ་གསོལ།། ཞེས་ཞུས་སོ།། དེ་ནས
135a6 སངས་རྒྱས་འོད་ཀྱི་ཕུང་པོས་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་ཁྱོད་ཉོན་ཅིག། རང་གི་སྙིང་གི་དཀྱིལ་ན་སངས་རྒྱས་སྐུ་གསུམ་ཡེ་ཤེས་ཀྱི་སྐུ་རུ་བཞུགས་སོ།། སངས་རྒྱས་ཡེ་ཤེས་ཀྱི་སྐུ་ནི་རང
iiif viewer powered by OpenSeadragon
