| e-texts navigator |
| Wylie |
134b1 ནོ།། རང་གི་རིག་པ་དངོས་པོ་ཅིར་ཡང་མ་གྲུབ་པར་ངོ་བོ་སྟོང་པ་དང་རང་གི་ཤེས་རིག་ཝལ་ལེ་བ་དབྱེར་མི་ཕྱེད་པར་འདུག་པ་འདི་སངས་རྒྱས་ཆོས་ཀྱི་སྐུ་ཡིན་ནོ།། རང་གི་ཤེས་རིག་སང་ངེ་བ་འདི་ཡེ་ཤེས་ཀྱི་སྐུ
134b2 ཡིན་ནོ།། རང་གི་རིག་པ་གསལ་སྟོང་དབྱེར་མེད་འོད་ཀྱི་ཕུང་པོར་འདུག་པ་འདི་ལ་སྐྱེ་ཤི་མེད་པས་སངས་རྒྱས་འོད་མི་འགྱུར་བ་ཡིན་ནོ།། དེ་ངོ་ཤེས་པས་ཆོག་གོ། ཞེས་བཀའ་སྩལ་ཏོ།། དེ་ནས་ཡང་གསང་བའི
134b3 བདག་པོས་འདི་སྐད་ཅེས་ཞུས་སོ།། ཨེ་མ་ཧོ། བདེ་བར་གཤེགས་པ་མགོན་པོ་ཆེན་པོ་འོད་དཔག་ཏུ་མེད་པས་སངས་རྒྱས་ཀྱི་མེད་པ་གསུམ་གསུང་དུ་གསོལ་ཅེས་ཞུས་སོ།། དེ་ནས་སངས་རྒྱས་འོད་དཔག་མེད་ཀྱིས
134b4 འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་ཁྱོད་མ་ཡེངས་པར་ཉོན་ཅིག། རང་གི་ཤེས་རིག་ཝལ་ལེ་བ་འདི་ཀ་སངས་རྒྱས་ཡིན་པས་སངས་རྒྱས་གཞན་ནས་བཙལ་དུ་མེད་དོ།། རང་གི་རིག་པ་ཝལ་ལེ
134b5 ཁྲུག་གེ་བ་འདི་རྒྱུན་དུ་གསལ་བས་སངས་རྒྱས་ཆོས་ཀྱི་སྐུ་ལ་བསྒྲུབ་པར་བྱར་མེད་དོ།། རང་གི་རིག་པ་ཆོས་ཀྱི་སྐུ་ལ་སྐྱེ་ཤི་མེད་པས་ལས་དང་ལས་ཀྱི་རྣམ་པར་སྨིན་པས་གོས་པ་མེད་པས་ལས་ལ་དགེ་སྡིག་མེད
134b6 དོ། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཨེ་མ་ཧོ།། སངས་རྒྱས་འོད་ཀྱི་ཕུང་པོ་ཆེན་པོས་སངས་རྒྱས་ཀྱི་ཆོག་པ་གསུམ་གསུང་དུ་གསོལ་ཅེས་ཞུས་སོ།། དེ་ནས་སངས
iiif viewer powered by OpenSeadragon
