| e-texts navigator |
| Wylie |
133b1 བྲལ་བའི་རིག་པ་རང་གསལ་རྟོག་མེད་དུ་བཞུགས་པ་ཡིན་ནོ་ཞེས་བཀའ་སྩལ་ཏོ།། དེ་ནས་ཡང་ཞུས་པ། ཀྱེ་སངས་རྒྱས་ཐུགས་རྗེ་ཅན་གཅིག་གནས་པས་སྙིང་པོ་ལྔའི་སྒོ་ནས་སངས་རྒྱས་ཤིང་མྱ་ངན་ལས་ཇི་ལྟར
133b2 འདའ་ཞེས་ཞུས་པས། བཀའ་སྩལ་པ། ཀྱེ་གསང་བའི་བདག་པོ་གཅིག་གནས་པ་ནི་ཤ་ཁྲག་གི་ལུས་འདི་འོད་ཀྱི་ལུས་སུ་གནས་པ་ཡིན་ནོ།། སྙིང་པོ་ལྔ་ནི་སངས་རྒྱས་ཆོས་ཀྱི་སྐུ་སྟོང་པ་རིག་པའི་སྙིང་པོ་ཅན་དུ
133b3 བཞུགས་སོ།། རིག་པ་ཤེས་རབ་ཀྱི་སྙིང་པོ་ཅན་དུ་གནས་སོ།། ཤེས་རབ་ཐུགས་རྗེའི་སྙིང་པོ་ཅན་དུ་གནས་སོ།། ཐུགས་རྗེ་ཡེ་ཤེས་ཀྱི་སྙིང་པོ་ཅན་དུ་གནས་སོ།། ཡེ་ཤེས་འོད་ཀྱི་ལུས་ཅན་དུ་གནས་སོ།། འོད་མཐའ
133b4 མེད་ཀྱི་ཡུལ་ཅན་དུ་གནས་སོ།། དེ་ངོ་ཤེས་པས་ཆོག་གོ། དོན་དེ་ལ་བསྒོམ་དུ་མེད་དོ་ཞེས་རྒྱལ་བ་རྡོ་རྗེ་སེམས་དཔས་གསུངས་སོ།། ཡེ་ཤེས་མར་མེའི་རྒྱུད་ལས། གྲོལ་ཚུལ་བསྟན་པའི་ལེའུ་སྟེ་གསུམ
133b5 པའོ།། །། སྒྲོན་མ་རྣམ་པར་བཀོད་པའི་རྒྱུད་ཅེས་བྱ་བ་སངས་རྒྱས་རྡོ་རྗེ་སེམས་དཔའི་ཞལ་ཆེམས་རྫོགས་སོ།། སྔགས་སྲུང་ནག་མོ་ཁྲོས་མས་སྲུངས་ཤིག། ས་མ་ཡ་སྟྭ~ཾ།། །
iiif viewer powered by OpenSeadragon
