| e-texts navigator |
| Wylie |
133a1 ལས་འདས་པ་སངས་རྒྱས་ཀྱི་སྐུར་སངས་རྒྱའོ།། འབྱུང་བ་ལས་འདས་པ་རང་གདངས་ཀྱི་སྐུ་རུ་སངས་རྒྱའོ།། ཚིག་ལས་འདས་པ་རང་སྣང་གི་སྐུ་རུ་སངས་རྒྱའོ།། ཞེས་སོ།། གཅིག་སྐྱེས་པ་ནི་ཡུལ་ཡེ
133a2 ཤེས་སུ་སྐྱེས་པ་ཡིན་ནོ།། ཆོས་ཚུལ་ལྔ་ནི་ཆོས་སྐུའི་གནས་ལུགས་ལྔ་རུ་གནས་པ་ཡིན་ནོ།། སངས་རྒྱ་བ་ནི་སྣང་བ་ཐམས་ཅད་རང་གི་རིག་པ་ལ་ཐིམ། རིག་པ་ཀ་དག་གི་ས་ལ་རང་ས་ཟིན་ནས་མི་འགྱུར་བ་ཡིན
133a3 ནོ།། ཞེས་གསུངས་སོ།། ཡང་ཞུས་པ། ཀྱེ་སངས་རྒྱས་ཐུགས་རྗེ་ཅན་སྐུ་ལས་འདས་པའི་ཡེ་ཤེས་སུ་སངས་ཇི་ལྟར་རྒྱ་ཞེས་ཞུས་པས་བཀའ་སྩལ་པ། ཀྱེ་གསང་བའི་བདག་པོ་སྐུ་ལས་འདས་པའི་ཡེ་ཤེས་ནི་གཟུགས
133a4 སྐུ་ལས་འདས་ནས་ཆོས་སྐུ་སྟོང་པ་ཡེ་ཤེས་ཀྱི་སྙིང་པོ་ཅན་འོད་ལྔའི་ཕུང་པོར་བཞུགས་པ་ཡིན་ནོ།། ཡིད་ལས་འདས་པའི་ཤེས་རབ་ནི་ཡིད་རྟོག་བཅས་ལས་གྲོལ་ཞིང་འདས་ནས་ཤེས་རབ་རྟོག་མེད་ཀྱི་སྐུ་རུ
133a5 བཞུགས་པ་ཡིན་ནོ།། ཆོས་ལས་འདས་པའི་སངས་རྒྱས་ནི་འབད་རྩོལ་དང་བྲལ་ཏེ། རང་གི་རིག་པས་རང་འོད་ངོ་ཤེས་ནས་སངས་རྒྱ་བ་ཡིན་ནོ།། འབྱུང་བ་ལས་འདས་པའི་གདངས་ནི་འབྱུང་བ་ལྔའི་མདུད་པ་གྲོལ
133a6 ནས་རང་གི་རིག་པའི་རང་གདངས་འོད་ཀྱི་ཕུང་པོ་ཆེན་པོ་དང་འདུ་འབྲལ་མེད་པར་བཞུགས་པའོ།། ཚིག་ལས་འདས་པའི་རང་སྣང་ནི་ལུས་ངག་ཡིད་གསུམ་སྐུ་གསུང་ཐུགས་སུ་མཐར་ཕྱིན་ནས་གཟུང་འཛིན་དང
iiif viewer powered by OpenSeadragon
