| e-texts navigator |
| Wylie |
132a1 དགོངས་པ་དེ་ཤེས་ན་སངས་ཇི་ལྟར་རྒྱ་ཞེས་ཞུས་པས། བཀའ་སྩལ་པ། ཀྱེ་རྡོ་རྗེ་འཛིན་པ་ཉོན་ཅིག། སངས་རྒྱས་ཀྱི་དགོངས་པ་དེ་ངོ་ཤེས་ན་གཅིག་འགགས་པས་ལྡོག་ཚུལ་བཞིའི་སྒོ་ནས་སངས
132a2 རྒྱའོ།། གཅིག་སྐྱེས་པས་ཆོས་ཚུལ་ལྔའི་སྒོ་ནས་སངས་རྒྱའོ།། གཅིག་གནས་པས་ཆོས་སྙིང་པོ་ལྔའི་སྒོ་ནས་སངས་རྒྱ་ནས་ཞི་བ་མྱ་ངན་ལས་འདའ་འོ་ཞེས་སོ།། ཡང་ཞུས་པ། ཀྱེ་སངས་རྒྱས་ཐུགས་རྗེ་ཅན་སངས
132a3 རྒྱས་ཀྱི་དགོངས་པ་ངོ་ཤེས་པ་དེ་གཅིག་འགགས་པས་ལྡོག་ཚུལ་བཞིའི་སྒོ་ནས་སངས་ཇི་ལྟར་དུ་རྒྱ་ཞེས་ཞུས་སོ།། བཀའ་སྩལ་པ། ཀྱེ་རྡོ་རྗེ་འཛིན་པ་ཁྱོད་ཉོན་ཅིག། སངས་རྒྱས་ཀྱི་སྐུ་ངོ་ཤེས་པ་ནི་གཅིག་འགགས
132a4 པས་མ་དག་པ་འཁྲུལ་པའི་སྣང་བ་འདི་ནི་སངས་རྒྱས་ཀྱི་ཞིང་ཁམས་རྣམ་པར་དག་པར་ལྡོག་པ་ཡིན་ནོ།། འཁོར་བའི་གྲོང་ཁྱེར་འདི་ཡེ་ཤེས་ཀྱི་གཞལ་མེད་ཁང་དུ་ལྡོག་པ་ཡིན་ནོ།། ཡིད་རྟོག་བཅས་འདི་ཡེ་ཤེས
132a5 རྟོག་མེད་དུ་ལྡོག་པ་ཡིན་ནོ།། ཤ་ཁྲག་གི་ལུས་གདོས་པ་ཅན་འདི་འོད་ཀྱི་ལུས་སུ་ལྡོག་པ་ཡིན་ནོ།། ཞེས་གསུངས་སོ།། ཡང་ཞུས་པ། ཀྱེ་བཅོམ་ལྡན་འདས་འཁྲུལ་པ་དེ་སྣང་བ་འདི་དག་པའི་སྣང་བར་ཇི་ལྟར་ལྡོག
132a6 ཅེས་ཞུས་སོ།། བཀའ་སྩལ་པ། ཀྱེ་གསང་བའི་བདག་པོ། འཁྲུལ་སྣང་འགགས་པས་སྣང་བ་ཐམས་ཅད་དག་སྣང་དུ་འཆར་རོ།། དག་པའི་སྣང་བ་དེ་ཤར་བས་རང་གི་རིག་པ་ལས་བྱུང་། རང་གི་རིག་པའི་ངང་དུ་ཞི
iiif viewer powered by OpenSeadragon
