| e-texts navigator |
| Wylie |
131b1 གསང་བདག་ཉོན་ཅིག། སངས་རྒྱས་ཆོས་ཀྱི་སྐུ་རང་གི་སྙིང་གི་དཀྱིལ་ན་བཞུགས་སོ།། ཡེ་ཤེས་ཟང་ཐལ་གྱི་སྐུ་རང་གི་མིག་གི་དཀྱིལ་ན་བཞུགས་སོ།། སངས་རྒྱས་ཁྲོ་བོའི་སྐུ་རང་གི་ཀླད་པའི་དཀྱིལ་ན་བཞུགས
131b2 སོ།། རང་གི་ལུས་འདི་ལ་སངས་རྒྱས་ཀྱི་གྲོང་ཁྱེར་ཉི་ཁྲི་ཆིག་སྟོང་བཞུགས་ཡོད་དོ།། གྲོང་ཁྱེར་དེ་དག་ཐམས་ཅད་སངས་རྒྱས་ཀྱི་སྐུས་ཁེངས་ནས་ཡོད་དོ།། ཀྱེ་གསང་བདག་ཉོན་ཅིག། རང་གི་སྤྱི་བོ་བདེ་བ་ཆེན
131b3 པོའི་རྩའི་དཀྱིལ་ན་རང་བྱུང་གི་དབང་པོ་བརྒྱ་བྱིན་སྐུ་མདོག་དཀར་པོར་བཞུགས་སོ།། རང་གི་ལྷག་པའི་རྩ་བ་མེན་གྱི་རྭ་ལྟ་བུ་དེའི་ནང་ན་རང་བྱུང་གི་ཐགས་ཟངས་རིས་སྐུ་མདོག་ལྗང་གུར་བཞུགས་སོ།། རང་གི
131b4 སྙིང་ག་ན་རང་བྱུང་གི་ཤཱཀ་ཐུབ་སྐུ་མདོག་སེར་པོ་བཞུགས་སོ།། རང་གི་རྒྱབ་ཀྱི་སྲོག་རྩ་དམར་པོའི་ནང་ན་རང་བྱུང་གི་རབ་བརྟན་མཐིང་གར་བཞུགས་སོ།། ལྟེ་བ་སྤྲུལ་པའི་རྩ་བ་ན་རང་བྱུང་གི་ཁ་འབར་མ་དམར
131b5 པོར་བཞུགས་སོ།། རང་གི་རྐང་པའི་མཐིལ་གྱི་རྩ་དཀྱིལ་ན་རང་བྱུང་གི་ཆོས་རྒྱལ་ནག་པོར་བཞུགས་སོ།། གསང་བདག་རང་གི་སྤྱི་བོ་ནས་རྐང་མཐིལ་ཡན་ཆད་སངས་རྒྱས་ཀྱི་གྲོང་ཁྱེར་དུ་ཤེས་པར་གྱིས་ཤིག་ཅེས
131b6 བཀའ་སྩལ་ཏོ།། ཡེ་ཤེས་མར་མེའི་རྒྱུད་ལས་རང་གི་ལུས་ལ་སངས་རྒྱས་ཀྱི་གྲོང་ཁྱེར་བཞུགས་ཚུལ་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་ཞུས་པ། ཀྱེ་བཅོམ་ལྡན་འདས་སངས་རྒྱས་ཀྱི
iiif viewer powered by OpenSeadragon
