| e-texts navigator |
| Wylie |
131a1 བྱའོ།། སྐུ་ལྔ་ནི་སྤྲུལ་པའི་སྐུ་འོད་ཀྱི་ཁ་མིག་ཅན་ཡིན་ནོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་བཅོམ་ལྡན་འདས་སྤྲུལ་པའི་སྐུ་འོད་ཀྱི་ཁ་མིག་ཅན
131a2 དེ་ལྟར་ལགས་ན། ཡང་སྦྲུལ་ཟེར་གྱི་ཁ་མིག་ཅན་གསུང་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ།། གསང་བའི་བདག་པོ་ལོངས་སྐུ་ཡབ་ཡུམ་སྙོམས་འཇུག་བྱེད་པའི་ཞལ་གྱི་བར
131a3 ནས་ཡབ་ཀྱི་འོད་ཟེར་དཀར་ལ་འཚེར་བ་དང་ཡུམ་གྱི་འོད་ཟེར་དམར་ལ་གདངས་པ་འཕྲོས་ནས་ལས་དག་པའི་གང་ཟག་འཕྲོ་འདུ་བྱེད་པའི་དུས་སུ་ཡབ་ཀྱི་མིག་ལ་ཐིམ་ནས་སྐལ་ཚིགས་ཀྱི་རྟ་བརྒྱུད་ནས་རྡོ་རྗེའི
131a4 ཁོང་ལམ་ནས་ཐོན་ནས་པདྨའི་རྫིང་བུར་བྱོན་པས་ཡབ་ཡུམ་གཉིས་ཀྱི་ལུས་བདེ་བས་ངག་གི་སྨྲ་བ་རྒྱུན་ཆད་དོ།། ཡིད་ཀྱི་རྟོག་པ་དང་ལུས་ཀྱི་གཡོ་འགུལ་རྒྱུན་ཆད་དོ།། དེ་ནི་སངས་རྒྱས་ཀྱི་བདེ་བ་དེ་ལྟར་བཞུགས
131a5 པ་ཡིན་ནོ།། ཡུམ་གྱི་ཟ་མ་ཏོག་གི་འོག་པདྨའི་རྫིང་བུར་ཟླ་བ་དགུ་ངོ་བཅུར་བཞུགས་ནས་སེམས་ཅན་གྱི་དོན་མཛད་པ་དེ་ནི་ཡང་སྦྲུལ་ཟེར་གྱི་ཁ་མིག་ཅན་ཡིན་ནོ།། ཞེས་གསུངས་སོ།། ཡེ་ཤེས་མར་མེའི་རྒྱུད་ལས།
131a6 སངས་རྒྱས་སྐུ་བཞི་བསྟན་པའི་ལེའུ་སྟེ་དང་པོའོ།། །། ཡང་ཞུས་པ། ཀྱེ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་དེ་ད་ལྟ་རང་གི་ལུས་ལ་ཇི་ལྟར་གནས་ཞེས་ཞུས་པས་བཀའ་སྩལ་པ།
iiif viewer powered by OpenSeadragon
