| e-texts navigator |
| Wylie |
130b1 གསལ་ལོ།། ཞེས་སོ།། ཡང་ཞུས་པ། ཀྱེ་བཅོམ་ལྡན་འདས་གདུལ་བྱ་ལ་སྣང་བ་ཐུགས་རྗེ་འབྱུང་བ་སྤྲུལ་པའི་སྐུ་འོད་ཀྱི་ཁ་མིག་ཅན་གསུང་དུ་གསོལ་ཞེས་ཞུས་སོ།། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ
130b2 པ། ཀྱེ་གསང་བའི་བདག་པོ་དེའི་ཡོན་ཏན་རྣམ་པར་སྣང་མཛད་དུ་སྨིན་ནོ།། རང་གི་རིག་པའི་ངོ་བོ་སྟོང་པར་འདུག་པ་འདི་ཆོས་ཀྱི་དབྱིངས་ཀྱི་ཡེ་ཤེས་ཡིན་ནོ།། དེའི་གདངས་འོད་མཐིང་གར་ཤར་རོ།། རང་གི་རིག
130b3 པ་མ་འགགས་པར་གསལ་བ་འདི་མེ་ལོང་ལྟ་བུའི་ཡེ་ཤེས་ཡིན་ནོ།། དེའི་གདངས་འོད་དཀར་པོར་ཤར་རོ།། དེ་ངོ་ཤེས་པས་སངས་རྒྱས་རྡོ་རྗེ་སེམས་དཔའི་སྐུར་སངས་རྒྱས་སོ།། རང་གི་རིག་པ་གསལ་སྟོང་དབྱེར
130b4 མེད་འདི་མཉམ་པ་ཉིད་ཀྱི་ཡེ་ཤེས་ཡིན་ནོ།། དེའི་གདངས་འོད་སེར་པོར་ཤར་རོ།། དེ་ངོ་ཤེས་པས་རིན་ཆེན་འབྱུང་ལྡན་དུ་སངས་རྒྱའོ།། རང་གི་རིག་པ་དེ་ཤེས་རབ་ཀྱི་རྩལ་མ་འགགས་པའི་ངོས་ནས། སོ་སོར་རྟོག
130b5 པའི་ཡེ་ཤེས་ཡིན་ནོ།། དེའི་གདངས་འོད་དམར་པོར་ཤར་རོ།། དེ་ངོ་ཤེས་པས་སྣང་བ་མཐའ་ཡས་སུ་སངས་རྒྱའོ།། རང་གི་རིག་པ་འདི་ཐོག་མ་མེད་པའི་ངོས་ནས་བྱ་བ་གྲུབ་པའི་ཡེ་ཤེས་ཡིན་ནོ།། དེའི་གདངས
130b6 འོད་ལྗང་གུར་ཤར་རོ།། དེ་ངོ་ཤེས་པས་དོན་ཡོད་གྲུབ་པར་སངས་རྒྱའོ།། ཀྱེ་རྡོ་རྗེ་འཛིན་པ་ཁྱོད་ཉོན་ཅིག། ཡེ་ཤེས་ལྔ་པོ་འདི་གཞི་གནས་པའི་ཡེ་ཤེས་ཞེས་བྱའོ།། འོད་ལྔ་ནི་མཚན་ཉིད་འཛིན་པའི་འོད་ཅེས
iiif viewer powered by OpenSeadragon
