| e-texts navigator |
| Wylie |
130a1 ཡིན་ནོ།། དེ་བཞིན་དུ་རྣ་བས་སྒྲ་ཐོས་མཁན་གྱི་རིག་པ་དང་། སྣས་དྲི་ཚོར་མཁན་གྱི་རིག་པ། ལྕེས་རོ་མྱང་མཁན་གྱི་རིག་པ་འདི་རྣམས་རང་གི་ཆོས་སྐུའི་ཡེ་ཤེས་ཡིན་ནོ།། རང་གི་རིག་པ་སྣ་ནས་པར
130a2 སོང་བས་དྲི་མ་འགགས་པར་མྱོང་ངོ་།། དྲི་ཚོར་མཁན་གྱི་རིག་པ་དེ་རང་གི་ཆོས་ཀྱི་སྐུ་ཡིན་ནོ།། རང་གི་རིག་པ་མར་ལ་སོང་བས་ཕོ་མོའི་དབང་པོ་སྤྲད་པས་བདེ་བ་མ་འགགས་པར་ཤར་རོ།། བདེ་བ་མྱོང་མཁན་གྱི
130a3 རིག་པ་དེ་སངས་རྒྱས་ཆོས་ཀྱི་སྐུ་ཡིན་ནོ།། དེ་ངོ་ཤེས་པར་གྱིས་ཤིག། ཅེས་བཀའ་སྩལ་ཏོ།། ཡང་ཞུས་པ། བཅོམ་ལྡན་འདས་ཤེས་རབ་གསལ་བ་ལོངས་སྤྱོད་རྫོགས་པའི་སྐུ་ཤེས་རབ་ཀྱི་ཁ་མིག་ཅན་དེ་གང་ལགས
130a4 ཞེས་ཞུས་པས། བཀའ་སྩལ་པ། གསང་བའི་བདག་པོ་ཤེས་རབ་སྐུར་གསལ་བས་ལོངས་སྤྱོད་རྫོགས་པའི་སྐུ་ངོ་བོ་ཆོས་ཉིད་སྟོང་པ་ཉིད་ཡེ་ཤེས་ཀྱི་སྐུར་སྨིན་པས་གཟུགས་སྐུ་དང་ཡེ་ཤེས་རྒྱུན་མ་ཆད་དོ།། ཀྱེ་རྡོ་རྗེ
130a5 འཛིན་པ་ཤེས་རབ་ཀྱི་སྐུ་ལ་མཚན་མའི་གཟུགས་མེད་པས་སྐུ་དང་ཡེ་ཤེས་ཐ་དད་དུ་འཛིན་པའི་རྟོག་པ་ལས་གྲོལ་ཏེ། ངོ་བོ་ཉིད་ཆོས་སྐུར་གསལ་ལ་ཤེས་རབ་རང་གསལ་གྱི་སྐུ་ལ་ཡུལ་གཞན་སྣང་མེད་པས་རྒྱུ
130a6 རྐྱེན་གྱིས་བསྐྱེད་པའི་ཤེས་རབ་མེད་དེ། རང་བྱུང་གི་ཡེ་ཤེས་སུ་གསལ་ལོ།། ཡེ་ཤེས་རླུང་ལྔ་ཤེས་རབ་ཀྱི་རྟར་བྱུང་བས་ཤེས་རབ་ཀྱི་སྐུའི་ཟེར་གདངས་སྐུ་དང་ཡེ་ཤེས་སུ་ཤར་བས་ཤེས་རབ་ནི་སྐུ་ལྔའི་བདག་པོར
iiif viewer powered by OpenSeadragon
