| e-texts navigator |
| Wylie |
12a1 དཀྱིལ་འཁོར་མཐོང་།། དྲི་མའི་ཐེ་ཚོམ་ནང་དུ་ཆོད།། ས་ཡི་སྣང་བ་གྲངས་མེད་ཀྱང་།། ཡེ་ཤེས་དོན་ལ་གཅིག་ལས་མེད།། སྐུ་དང་ཡེ་ཤེས་ཕྱོགས་ཉིད་ནས།། མཚན་མའི་ཡུལ་ལ་ཕར་བལྟས
12a2 པས།། སྣང་བའི་དྲོད་ཚད་ཉམས་སུ་མྱོང་།། རྐྱེན་སྣང་དག་པའི་ཡུལ་དག་ནས།། དམིགས་རྟེན་ཡུལ་ལ་ཕར་བལྟས་པས།། རང་གི་གདེང་ཆེན་ཁོང་དུ་ཆུད།། ཕྱོགས་ཀྱི་དྲི་མ་ཉིད་ལས་ཀྱང་།། སྣང་བའི་སྒྲོན་མ་རབ
12a3 གསལ་བས།། འབར་བ་ཉིད་ཀྱང་ཐུགས་ལ་ཤར།། སངས་རྒྱས་ཐིག་ལེ་ཉག་གཅིག་ལ།། ཡུལ་གྱི་རྟོག་པ་རྣམ་པར་བསལ།། དྲི་མའི་སྐྱོན་ལས་རབ་ཏུ་གྲོལ།། འདུས་པའི་ཕྱོགས་ནས་ཕར་བལྟས་པས།། གཅིག
12a4 མཐོང་བདེན་པ་ཁོང་དུ་ཆུད།། ཡེ་ཤེས་ཐབས་ལ་མཁས་པ་ཡིས།། ཕྱག་རྒྱ་འདའ་མེད་དམ་ཚིག་ལས།། འགྱུར་བ་མེད་པའི་ལམ་དུ་ཆུད།། གསང་བའི་ཐེག་པ་ཡུལ་དུ་སྣང་།། ལམ་གྱི་ཐེག་པ་འབྱེད་འགྱུར་བ།། དེས
12a5 ནི་ཕ་རོལ་སྒྲོལ་མི་ནུས།། ཐུགས་རྗེའི་ཐེག་པ་འདི་ཉིད་ལས།། དགོངས་པའི་དོན་ལས་མ་འདས་ན།། སངས་རྒྱས་རྡོ་རྗེ་རབ་བརྟན་པས།། མི་ཤིགས་རྡོ་རྗེ་ཉིད་དུ་འགྱུར།། སྤྱོད་པའི་རྡོ་རྗེ་འགག་མེད་པས།། ཚད
12a6 མེད་རྡོ་རྗེ་ངོ་མཚར་ཆེ།། ཡང་གསང་ལྟ་བའི་རྡོ་རྗེ་བསྟན།། རྟོག་པའི་རྡོ་རྗེ་གཟི་བརྗིད་ཆེ།། མེ་ལོང་རྡོ་རྗེ་གསལ་བ་ཆེ།། སེམས་ཅན་ཐམས་ཅད་བསྒྲལ་བའི་ཕྱིར།། ཤེས་རབ་རྣོན་པོའི་གྲི་དག་གིས།། མ་རིག་ཐམས
iiif viewer powered by OpenSeadragon
