| e-texts navigator |
| Wylie |
129b1 པཕར་གསལ་ལོ།། སངས་རྒྱས་རང་གི་སྙིང་གི་ནང་ན་བཞུགས་པས། ཤ་ཁྲག་གི་ལུས་ཀྱིས་བཏུམས་ཀྱང་མ་ཐུམས་པར་རང་གི་མིག་གི་ནང་ནས་མཐོང་བ་མ་འགགས་པར་གསལ་བ་ཟང་ཟལ་ལེ་བ་འདི་ཀ་སངས
129b2 རྒྱས་ཡེ་ཤེས་ཀྱི་སྐུ་ཟང་ཐལ་ཡིན་ནོ།། གསང་བདག་དུས་སྔ་ཕྱིས་མ་བསྒྲིབས་པས་དུས་གསུམ་ཟང་ཐལ་དུ་བཞུགས་སོ།། རང་གི་རིག་པ་སྐྱེ་ཤི་མེད་པའི་ཡོན་ཏན་ཡིན་ནོ།། མཚན་མའི་ལུས་ལྔས་མ་བསྒྲིབས་པས
129b3 ཟང་ཐལ་དུ་བཞུགས་སོ།། སངས་རྒྱས་ཀྱི་སྐུ་ལ་མདུན་རྒྱབ་མེད་པའི་ཡོན་ཏན་ཡིན་ནོ།། ལས་དགེ་སྡིག་གི་བག་ཆགས་ཀྱིས་མ་བསྒྲིབས་པས་ཟང་ཐལ་དུ་བཞུགས་སོ།། ཡེ་ཤེས་ཀྱི་གདངས་ཕྱི་ནང་མེད་པས་ཡུལ
129b4 དང་ཤེས་པ་གཉིས་སུ་མེད་པའི་ཡོན་ཏན་ཡིན་ནོ།། མུན་སྣང་གི་རྐྱེན་གྱིས་མ་བསྒྲིབས་པས་ཟང་ཐལ་དུ་བཞུགས་སོ།། ཡེ་ཤེས་རྐྱེན་ལ་གསལ་སྒྲིབ་མེད་པའི་ཡོན་ཏན་ཡིན་ནོ།། ཞེས་གསུངས་སོ།། ཡང་ཞུས་པ།།
129b5 ལྷུན་གྱིས་གྲུབ་པས་ཐམས་ཅད་དུ་འཆར་གཞི་ཇི་ལྟར་མ་འགགས་ཞེས་ཞུས་པས། ཡང་བཀའ་སྩལ་པ། ཀྱེ་གསང་བདག་ལྷུན་གྱིས་གྲུབ་པ་ནི་རང་གི་སྙིང་གི་དཀྱིལ་ན་རང་གི་རིག་པ་འོད་ཀྱི་ཕུང་པོ་བཞུགས་པ་ཡིན
129b6 ནོ། ཐམས་ཅད་དུ་འཆར་གཞི་མ་འགགས་པ་ནི་རང་གི་རིག་པ་མིག་ནས་ཕར་ལ་སོང་བས་གཟུགས་མཐོང་བས་མ་འགགས་པར་ཤར་རོ།། རང་གི་མིག་མཐོང་བ་མ་འགགས་པར་གསལ་བ་དེ་ཀ་ཆོས་སྐུའི་ཡེ་ཤེས
iiif viewer powered by OpenSeadragon
