| e-texts navigator |
| Wylie |
129a1 གཅིག། འགྲུ་བྱེད་ཡིད་ལུས་དང་གཉིས། དམིགས་པ་རྣམ་པར་དག་པ་ཏིང་འཛིན་གྱི་ལུས་དང་གསུམ། མཚན་མ་འོད་ཀྱི་ལུས་དང་བཞི་མེད་པས་སྟོང་། དཔྱོད་བྱེད་ཤེས་རབ་ཀྱི་ལུས་མེད་པས་སྟོང
129a2 ངོ་ངོ།། དེ་ནས་ཡང་ཞུས་པ། ཀྱེ་བཅོམ་ལྡན་འདས་རང་གི་སྙིང་གི་དཀྱིལ་ན་སངས་རྒྱས་རིག་པ་མ་འགགས་པར་ཇི་ལྟར་གསལ་བར་བཞུགས་པ་ལགས། ཡང་གསུངས་པ། གསང་བདག་རང་གི་སྙིང་གི་དཀྱིལ་ན
129a3 ཆོས་སྐུ་རིག་པ་མ་འགགས་པར་བཞུགས་པ་ནི་རང་གི་ངོ་བོ་ཝལ་ལེ་གསལ་བ་འདི་ཡིན་ནོ།། ཀྱེ་གསང་བདག་རང་གི་རིག་པ་སྐྱེ་ཤི་མེད་པས་དུས་གསུམ་མཉམ་པ་ཉིད་དུ་གསལ་ལོ།། སངས་རྒྱས་ཀྱི་སྐུ་ལ་མདུན
129a4 རྒྱབ་མེད་པས་ཡེ་ཤེས་ཟང་ཐལ་དུ་གསལ་ལོ།། ཡེ་ཤེས་ཀྱི་རང་གདངས་ལ་ཕྱི་ནང་མེད་པས་ཡུལ་དང་ཡུལ་ཅན་གཉིས་མེད་དུ་གསལ་ལོ།། མཁྱེན་པ་ལ་ཕྱོགས་རིས་མེད་པས་ཡེ་ཤེས་ཀྱི་སྤྱན་ལ་ཆོས་ཐམས་ཅད་ཀྱི
129a5 དགོངས་པ་ཉག་གཅིག་ཏུ་གསལ་ལོ།། ཞེས་གསུངས་སོ།། དེ་ནས་ཡང་ཞུས་པ། ཀྱེ་བཅོམ་ལྡན་འདས་རང་གི་སྙིང་གི་དཀྱིལ་ན་སངས་རྒྱས་ཆོས་ཀྱི་སྐུ་ལ་སྒྲིབ་པ་མེད་པས་ཟང་ཐལ་དུ་ཇི་ལྟར་བཞུགས་ཞེས་ཞུས
129a6 སོ།། བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་སངས་རྒྱས་ཀྱི་སྐུ་བརྟེན་པ་རང་གི་ལུས་ལ་བརྟེན་ནས་ཡོད་དོ།། བཞུགས་པ་རང་གི་སྙིང་གི་དཀྱིལ་ན་བཞུགས་སོ།། གསལ་བ་རང་གི་མིག་ནི
iiif viewer powered by OpenSeadragon
