| e-texts navigator |
| Wylie |
128b1 སོ།། ཡང་སྦྲུལ་ཟེར་གྱི་ཁ་མིག་ཅན་དུ་བཞུགས་སོ།། ཞེས་བཀའ་སྩལ་ཏོ།། དེའི་ཚེ་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་བཅོམ་ལྡན་འདས། རང་གི་སྙིང་གི་དཀྱིལ་ན་ཆོས་ཀྱི་སྐུ་ལྷུན་གྲུབ་ཡེ་ཤེས་ཀྱི
128b2 ཁ་མིག་ཅན་དུ་ཇི་ལྟར་བཞུགས། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་རང་གི་སྙིང་གི་དཀྱིལ་ན་ཆོས་སྐུ་མཚན་མར་མ་གྲུབ་པའི་སྟོང་པར་བཞུགས་སོ།། རིག་པ་མ་འགགས
128b3 པར་གསལ་བར་བཞུགས་སོ།། སྒྲིབ་བྱེད་མེད་པས་ཟང་ཐལ་དུ་བཞུགས་སོ།། ལྷུན་གྱིས་གྲུབ་པས་ཆར་གཞི་མ་འགགས་པར་བཞུགས་སོ།། ཞེས་བཀའ་སྩལ་ཏོ།། ཡང་ཞུས་པ་བཅོམ་ལྡན་འདས་རང་གི་སྙིང་གི
128b4 དཀྱིལ་ན་ཆོས་སྐུ་མཚན་མར་མ་གྲུབ་པ་སྟོང་པར་ཇི་ལྟར་བཞུགས། ཞེས་ཞུས་སོ།། བཀའ་སྩལ་པ། གསང་བདག་ཆོས་སྐུ་མཚན་མར་མ་གྲུབ་པར་སྟོང་པར་བཞུགས་པ་ནི་རང་གི་ཤེས་རིག་གི་ངོ་བོ་སང་ངེ་བ་འདི
128b5 དངོས་པོ་དང་ཁ་དོག་གང་དུ་ཡང་མ་གྲུབ་པར་སྟོང་སང་ངེ་བར་འདུག་པ་འདི་ཡིན་ནོ།། ཀྱེ་གསང་བདག་གདོས་བཅས་ཤ་ཁྲག་གི་ལུས་ཀྱིས་སྟོང་། འགྱུ་བྱེད་ཡིད་ཀྱི་ལུས་ཀྱིས་སྟོང་། དམིགས་པ་རྣམ་པར་དག་པ
128b6 ཏིང་འཛིན་གྱི་ལུས་ཀྱིས་སྟོང་། མཚན་མ་འོད་ཀྱི་ལུས་ཀྱིས་སྟོང་། དཔྱོད་བྱེད་ཤེས་རབ་ཀྱི་ལུས་ཀྱིས་སྟོང་། དེ་ལྟར་སྟོང་པས་མཚན་མར་མ་གྲུབ་པའོ།། ཀྱེ་གསང་བདག་གདོས་བཅས་ཤ་ཁྲག་གི་ལུས་དང
iiif viewer powered by OpenSeadragon
