| e-texts navigator |
| Wylie |
128a1 རྒྱ་གར་སྐད་དུ། ཛྙཱ་ན་དི་པཾ་ཏནྟྲ་ནཱ་མ། བོད་སྐད་དུ། ཡེ་ཤེས་མར་མེའི་རྒྱུད་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན། མ་བྲིས་པའི
128a2 དཀྱིལ་འཁོར་རང་བཞིན་གྱིས་འོད་གསལ་བ་ན། སྲོག་མེད་པའི་སྐུ་རང་བཞིན་སངས་རྒྱས་འོད་མི་འགྱུར་བ་ཆེན་པོ་ལོངས་སྤྱོད་རྫོགས་པའི་སྐུ་དང་ཆོས་ཀྱི་སྐུ་ཟང་ཐལ་ཆེན་པོའི་དགོངས་པ་ལ་བཞུགས་སོ།། འདི
128a3 སྐད་བདག་གིས་ཐོས་པའི་དུས་གཅིག་ན། རྣམ་དག་སྡུག་པོ་བཀོད་པའི་ཞིང་ཁམས་ན། འཕགས་པ་ནམ་མཁའ་མཛོད་ཅེས་བྱ་བ་ཤིན་ཏུ་སྤྱི་བུང་བ་གཅིག་མཚན་རྫོགས་རྡོ་རྗེ་འཆང་གི་འཁོར་གྱིས་བསྐོར་ནས་ཡེ
128a4 ཤེས་ཀྱི་དཀྱིལ་འཁོར་འོད་གསལ་བ་ལ་བཞུགས་སོ།། དེའི་ཚེ་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་བྱ་བ་ཇི་ཙམ་ཞིག་ལ་ཟེར་བ་ཡིན་ཞུས
128a5 སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཀྱེ་གསང་བའི་བདག་པོ་ཁྱོད་ཉོན་ཅིག། རང་གི་སྙིང་གི་དཀྱིལ་ན་ཡང་དག་པར་རྫོགས་པའི་སངས་རྒྱས་རིག་པ་མ་འགགས་པ་ཆོས་ཀྱི་སྐུ་ལྷུན་གྲུབ་ཏུ་ཡེ་ཤེས
128a6 ཀྱི་ཁ་མིག་ཅན་དུ་བཞུགས་སོ།། ཤེས་རབ་གསལ་བ་ལོངས་སྤྱོད་རྫོགས་པའི་སྐུ་ཤེས་རབ་ཀྱི་ཁ་མིག་ཅན་དུ་བཞུགས་སོ།། གདུལ་བྱ་ལ་སྣང་བ་ཐུགས་རྗེ་འབྱུང་བ་སྤྲུལ་པའི་སྐུ་འོད་ཀྱི་ཁ་མིག་ཅན་དུ་བཞུགས
iiif viewer powered by OpenSeadragon
