| e-texts navigator |
| Wylie |
127a1 ཀྱི།། མ་རིག་མུན་པ་སེལ་མཛད་པ།། རྒྱུད་དང་ལུང་དང་མན་ངག་རྣམས།། འགྲོལ་བ་ཀུན་གསལ་བཤད་རྒྱུད་འདི།། རྒྱུད་ལུང་མན་ངག་ཀུན་ཤེས་པ།། རྟོགས་པའི་དོན་འདི་གསུངས་པས
127a2 ནི།། འདུས་པའི་འཁོར་དང་རྗེས་འཇུག་གི། མ་རིག་མུན་པ་འདིས་བསལ་ལོ།། འཁོར་བའི་རྒྱ་མཚོ་འདིས་བསྒྲལ་ལོ།། ཉོན་མོངས་མདུད་པ་འདིས་བཀྲོལ་ལོ།། བློ་ཡི་ཐེ་ཚོམ་འདིས་བསལ་ལོ།། དོན་རྣམས
127a3 དཀྲུགས་པ་འདིས་སྨྲས་སོ།། འཁོར་བའི་སྐྱེ་བ་རྒྱུན་བཅད་དོ།། དགོངས་པའི་དོན་རྩ་འདིས་གནས་སོ།། ཐར་པའི་ལམ་མཆོག་འདིས་རྙེད་དོ།། ལུང་གི་དགོངས་པ་འདིས་ཕྱིན་ནོ།། མན་ངག་དོན་རྣམས་འདིས་བཅད
127a4 དོ།། ཐེག་བརྒྱད་གཏན་ལ་འདིས་ཕེབས་སོ།། ཨེ་མ་ཧོ་གསང་བ་རྨད་དུ་བྱུང་བའི་ཆོས།། འདི་ལྟ་བུ་ཡི་ངེས་བཤད་རྒྱུད།། མ་བྱུང་འབྱུང་བར་མི་འགྱུར་ཏེ།། མི་འགྱུར་སྐུ་ཡི་བདག་ཉིད་རྫོགས།། འགྱུར་མེད་ཐུགས་ཀྱི
127a5 ཀློང་ནས་བཀྲོལ།། པདྨ་གསལ་བྱེད་བརྡའ་སྒོ་རུ།། རང་བྱུང་ཡེ་ཤེས་གསུང་གིས་བསྐྱོད།། བདག་ཅག་འདུས་པའི་ཚོགས་རྣམས་ཀྱིས།། དགོངས་རྒྱུད་ཡེ་ཤེས་སྒྲར་ཞུགས་ནས།། ཡེ་ཤེས་ཆེན་པོའི་ཀློང
127a6 དུ་ཐིམ།། ལེགས་སོ་ལེགས་སོ་དེ་ལེགས་སོ།། སྐུ་གསུམ་ཡེ་ཤེས་རྫོགས་པ་ཡི།། ཀུན་མཁྱེན་གཙོ་ལ་ཕྱག་འཚལ་འདུད།། ཅེས་གསོལ་ཏོ།། ཐིག་ལེ་ཀུན་གསལ་ཆེན་པོ་ཞེས་བྱ་བ།། བཤད་པའི་རྒྱུད་བཀླགས
iiif viewer powered by OpenSeadragon
