| e-texts navigator |
| Wylie |
126b1 འཛིན་པར།། འདི་ལ་སྐུར་པ་མ་འདེབས་པ།། ཀུན་གསལ་འདི་ཡི་རྗེས་སུ་འབྲངས།། རང་བྱུང་ཡེ་ཤེས་འགྱུར་མེད་མ་རྟོགས་པར།། དངོས་པོའི་རྫས་གྲུབ་བདེན་པར་མ་འཛིན་ཀ། ཀུན་གསལ་འདི་ཡི་རྗེས་ཕྱིར་སུ
126b2 འབྲེང་པ།། འོན་ཏང་མི་འགྱུར་བརྟག་པས་རྟོགས་པར་འགྱུར།། དངོས་མེད་ཞི་བ་ཆོས་སྐུ་མ་རྟོགས་པར།། སྟོང་པ་ཅང་མེད་བདེན་པར་མ་འཛིན་ཀ། ཀུན་གསལ་འདི་ཡི་རྗེས་སུ་འབྲངས་པ་ན།། འོན་ཏང་སྟོང་ཉིད
126b3 ཞི་བ་རྟོགས་ཏེ་འོང་།། གནས་ལུགས་སྣང་ལུགས་རྣམ་གཉིས་མ་རྟོགས་པར།། གཉིས་ཀྱི་མཐའ་ལ་བདེན་པར་མ་འཛིན་ཀ། སྐུར་པ་མ་འདེབས་ཀུན་གསལ་རྗེས་ཕྱིར་འབྲངས།། འོན་ཏང་རང་སྣང་གཉིས་མེད
126b4 རྟོགས་ཏེ་འོང་།། སྐུ་གསུམ་འདུ་འབྲལ་མེད་པར་མ་རྟོགས་པར།། བློས་བརྟགས་བསྐྱེད་རྫོགས་རྣམ་གཉིས་བདེན་པར་མ་འཛིན་ཀ། སྒྲོ་སྐུར་མ་འདེབས་ཀུན་གསལ་རྗེས་ཕྱིར་འབྲངས།། འོན་ཀྱང་ཡེ་ནས་ལྷུན་གྲུབ
126b5 རྟོགས་ཏེ་འོང་།། དོན་གྱི་ཀུན་གསལ་ཆེན་པོ་མ་རྟོགས་པར།། ཚིག་དང་ཡི་གེའི་སྒྲ་ལ་མ་ཞེན་ཀ། དོན་གྱི་ཀུན་གསལ་ཆེན་པོ་ཉམས་སུ་ལོང་།། འོན་ཀྱང་ཡེ་ཤེས་ཀུན་གསལ་རྒྱུད་ལ་འཆར།། ཞེས་གསུངས་སོ།། དེ
126b6 ནས་ལག་ན་རྡོ་རྗེ་ལ་སོགས་ཏེ་འདུས་པའི་ཚོགས་རྣམས་ཀྱིས། ཐལ་མོ་སྦྱར་ཏེ་བསྐོར་བ་ལན་འབུམ་དུ་བྱས་ནས། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདག་ཅག་འདུས་པའི་ཚོགས་རྣམས
iiif viewer powered by OpenSeadragon
