| e-texts navigator |
| Wylie |
125b1 སོ།། བདག་ཉིད་ཆེན་པོ་ནི་དབང་ཆེན་པོ་དང་ལྡན་པ་དང་ཡོན་ཏན་མ་འགགས་པའོ།། དྲི་མ་མེད་པ་དང་མི་འགྱུར་བ་དང་།། ཐམས་ཅད་མཁྱེན་པས་ན་ཐུགས་སོ།། སྣ་ཚོགས་སུ་སྟོན་པས་ན་གསུང་ངོ་།། གཟི་བརྗིད
125b2 དང་ལྡན་པས་ན་སྐུའོ།། ཐབས་དང་ཤེས་རབ་ཆ་འཛིན་པས་ན་ཡབ་ཡུམ་མོ།། བྱང་ཆུབ་ཆེན་པོ་དང་ལྷན་ཅིག་སྐྱེས་པས་ན་སྲས་སོ།། དེ་ལྟར་ངས་བསྟན་པའི་རྒྱུད་ལུང་ཐམས་ཅད་དུ་ཤེས་པར་གྱིས་ཤིག། ངས
125b3 བསྟན་པའི་དོན་དེ་རྣམས་ལ་རྩོད་པར་གྱུར་ན། གང་རྩོད་པ་དང་རྗེ་བློན་དམངས་དང་གསུམ་དབང་དུ་བཞག་ལ། འདྲི་ལུགས་དང་དམ་བཅའ་མ་ནོར་བར་བྱས་ལ། སྒྲུབ་བྱེད་ཀྱིས་གང་ཡིན་པ་བསྒྲུབ་ཅིང་། གཞན
125b4 སེལ་གྱིས་མི་མཐུན་པའི་ཕྱོགས་ཐམས་ཅད་སྤངས་ལ། ཕན་པའི་རྐྱེན་ཅན་གྱིས་སྟངས་གདབ་སྟེ། དོན་མི་མཐུན་པའི་དབྱིངས་ལ་བསྐྱལ་ལོ།། ལོག་ལྟ་ཅན་གྱི་སྒྲུབ་བྱེད་ལ། སྐྱོན་གྱི་སྒྲུབ་བྱེད་མི་མཐུན་མཐུན་པའི
125b5 ཕྱོགས་གཏོང་ངོ་།། ཁོའི་གཞན་སེལ་དེ་ལ། བསྒྲུབ་པའི་སྒྲུབ་བྱེད་གཏོང་ངོ་།། ཕན་པའི་རྐྱེན་ལ་གནོད་པའི་འགལ་རྐྱེན་གཏོང་ངོ་།། རང་རིག་པའི་ཡེ་ཤེས་དགག་སྒྲུབ་དང་བྲལ་བ་ནི། དབྱིངས་སུ་བཞག་སྟེ་བཙན
125b6 པའི་ཡུལ་མཁར་ལྟ་བུའོ།། དེའི་ཕྱོགས་ནས་བསྒྲུབ་པའོ།། གཏན་ཚིགས་གསུམ་ནས་བཞིས་ཕན་པའི་རྐྱེན་བྱའོ།། གནོད་པའི་སྐྱོན་དུ་ཡང་དེ་རྣམས་སྟོན་ཏོ།། གཞི་སྣང་ལ་སོགས་པ་གང་ལ་རྩོད་ཀྱང་། གྲོགས་དེ
iiif viewer powered by OpenSeadragon
