| e-texts navigator |
| Wylie |
124a1 བྱས་པ་དང་དེའི་གོང་ན་གཞན་མེད་པའོ།། ཡེ་ཤེས་ནི་དང་པོའི་ཤེས་པའོ།། དེ་ཉིད་ནི་གཞིའོ།། དེ་ནས་རྟོགས་པས་གྲོལ་བའོ།། མཁའ་འགྲོ་མ་ནི་རྡོ་རྗེ་དང་། ཡེ་ཤེས་དང་། ལས་དང་། ཤ་ཟར
124a2 བཤད་དོ།། འགྲོ་བ་ནི་རྟོགས་པས་མཁའ་ལ་འགྲོ་བ་དང་། ཐུགས་རྗེ་དང་ལས་དང་ཤུགས་ཀྱིས་འགྲོ་བའོ།། འབར་བ་ནི་མ་འགགས་པར་གསལ་བའོ།། མཛོད་ནི་བཞུགས་གནས་སུ་གྱུར་པའོ།། སྒོ་ནི་འབྱུང་ཞིང
124a3 འཇུག་པའོ།། ལྡེ་མིག་ནི་འབྱེད་ཅིང་གྲོལ་བའོ།། དམ་ཚིག་ནི་དབྱེར་མི་ཕྱེད་པའོ།། དཔལ་ནི་བདག་གཞན་གཉི་གའོ།། ཐུགས་རྗེ་ནི་ཐུན་མོང་དང་བྱིན་རླབས་ལས་བྱུང་བའོ།། སྐྱེས་བུ་ནི་དོན་མཆོག་ཏུ་གྱུར་པས་འགྲོ
124a4 བའི་ཁ་ལོ་གྱེན་དུ་སྒྱུར་བའོ།། མ་ནི་སྐྱེ་བའི་གཞི་འབྱུང་བའི་གནས་སོ།། མོ་ནི་ཤེས་རབ་ཀྱི་བདག་ཉིད་དོ།། ཐབས་ནི་དོན་སྒྲུབ་པའི་རྐྱེན་ནོ།། ཡན་ལག་ནི་སྤྲོས་པའི་ཆོས་ཅན་ནོ།། མེད་པ་ནི་མི་འགྱུར་བའི་དོན་སྤྲོས
124a5 མེད་དོ།། གསེར་ནི་མི་འགྱུར་བའོ།། གཞུང་ནི་གཞན་དང་མ་འདྲེས་པའི་ལུགས་སོ།། རང་ལུགས་ནི་མ་འདྲེས་པའི་དོན་ནོ།། འཁོར་ལོ་ནི་གཅོད་པ་དང་ཅིར་ཡང་སྣང་བའོ།། སྲིད་པ་ནི་མི་ཁེགས་པ་དང་མེད་པ་ལས
124a6 ཡོད་པར་སྣང་ནུས་པའོ།། འཆང་བ་ནི་འདུ་འབྲལ་མེད་པའོ།། རྒྱུན་ནི་སྐད་ཅིག་མ་འདབ་འབྱོར་པའོ།། ཐ་སྙད་ནི་ཕྱོགས་རེ་ནས་སྤྲོས་པའི་ཆོས་སོ།། མིང་ནི་མཚོན་པའི་སྒྲ་ཚིག་གོ། གདངས་ནི་རང་སྣང་བའོ།། ཆོས
iiif viewer powered by OpenSeadragon
