| e-texts navigator |
| Wylie |
11b1 ཉིད་འགག་མེད་པས།། རྒྱལ་བའི་གསུང་ལ་ཐུག་པ་མེད།། སྐུ་གསུང་ཐུགས་ཀྱི་སྣང་བ་ནི།། ཀུན་ཏུ་མཐའ་ཡས་ཐུག་པ་མེད།། གྲངས་དང་ཚིག་དང་ཡིད་ལས་འདས།། ཆོས་དང་ཆོས་མིན་བལྟ་བ་ཡང་།། མཐུན་པར
11b2 སྣང་བ་ཙམ་དུ་ཟད།། དོན་གྱི་ཡེ་ཤེས་ལྔ་ལྡན་ནི།། ཡངས་པའི་གྲོང་ཁྱེར་རྡོ་རྗེ་མཐའ་ཡས་ཤིང་།། དཀྱིལ་འཁོར་ཕོ་བྲང་གཉིས་ལ་ཡངས་པའི་བདག་ཉིད་འཛིན།། ཕྱོགས་དང་རིས་སུ་འཛིན་ན་ཡང་དག་ལྟ་བ
11b3 མིན།། ང་དང་བདག་ཏུ་འཛིན་ན་ཡང་དག་མཐོང་བ་མིན།། ཡིན་དང་མིན་པར་རྟོགས་ན་དགོངས་པ་ཉིད་མ་རྙེད།། སྟོང་དང་གསལ་བར་འཛིན་ན་ཆོས་ཕྱིར་ཚིག་ལ་འབྲེངས།། གསང་བ་གྲངས་སུ་བགྲངས་ན་རིག
11b4 པའི་གནས་མ་རྙེད།། ཆོས་སྤྱོད་ལམ་དུ་ཁྱེར་ན་བདེན་པའི་ཚིག་མ་མཐོང་།། མཐོང་སྣང་ཁྱད་དུ་གསོད་ན་ཐེག་པའི་སྒོ་མ་མཐོང་།། བྱ་བྱེད་འབྲས་བུར་འདོད་ན་གསང་སྔགས་ཐབས་མ་རྙེད།། སྣང་གསང་བའི་ཡང་བྱུང།
11b5 བ་ཚིག་ཕྱིར་འབྲེངས་ན་དགོངས་པའི་ལམ་མ་རྙེད།། ཡུལ་དང་སེམས་སུ་འཛིན་ན་ཏིང་འཛིན་དྲོད་མ་ཐོབ།། འཇིག་རྟེན་ཆགས་ཕྱིར་འབྲེངས་ན་ཆོས་ཉིད་དོན་མ་རྟོགས།། འཇིག་རྟེན་བྱ་བའི་ཆོས་དང་མ་བྲལ
11b6 གཡེངས་པ་ན།། སངས་རྒྱས་དགོངས་པ་རྙེད་པ་ང་ཡིས་ཡོངས་མ་བཤད།། རྐྱེན་དང་རྐྱེན་མེད་སྣང་བ་དང་།། ཆོས་ཀྱི་སྐུ་དང་ལམ་ཉིད་ལས།། མཐུན་པའི་ཕྱོགས་ནས་ཕར་བལྟས་པས།། རང་སྣང་གཟུགས་བརྙན
iiif viewer powered by OpenSeadragon
