| e-texts navigator |
| Wylie |
98b1 རྟོག་པ་མེད་པས། དེས་ནི་ཆོས་མི་སྤྱོད་དོ། སངས་རྒྱས་ལ་ཆོས་སྤྱོད་མེད་པས། ཆོས་ཀྱིས་དེའི་དོན་མི་རྟོགས་སོ།། ཚིག་མིན་པས། དེ་ནི་འཁོར་བ་མིན་ནོ།། ལྟུང་བ་མེད་པས། མྱ་ངན་ལས་འདས་པ་མིན་ནོ། དང་པོ་འཁོར་བར་ལྟུང་བས། གཞི
98b2 མིན་ནོ།། རྟག་པ་མ་ཡིན་པས།། སྣང་བ་མིན་ནོ།། མངོན་སུམ་དུ། མུན་པ་མིན་ནོ། རང་སྣང་བ་ཡིན།། ལམ་མ་ཡིན་ནོ། བྱ་བྱེད་མེད་པས།། བགྲོད་པ་མེད་དོ། ཚིག་ལ་བརྟེན་མི་དགོས།། མི་བགྲོད་པ་མེད་དོ། སྣང་བ་ལམ་དུ་སྤོང་བའི
98b3 ཕྱིར།། འབྲས་བུ་མ་ཡིན་ནོ།། སྤྲིན་ཟིན་པས།། སྤངས་པ་མ་ཡིན་ནོ།། རང་ལ་གནས་པས།། ཐོབ་པ་མ་ཡིན་ནོ།། གཞན་མིན་པས།། དེ་ནི་རིག་པའི་དབྱིངས་ཆེན་པོ་ཞེས་བྱའོ།། དེ་ལས་ལྷུན་གྲུབ་རིན་པོ་ཆེའི་སྣང་ལུགས་བྱུང་སྟེ། དེ
98b4 ནིསངས་རྒྱས་པས་ཆོས་ཐམས་ཅད་འབྱུང་བའི་གཞི་ཞེས་བྱའོ།། དེ་ལས་ནི་འཁྲུལ་པ་ཡེ་ཤེས་སུ་སད་ནས། སངས་རྒྱས་བྱུང་ངོ་།། སེམས་ཅན་བྱུང་ངོ་།། མ་རིག་པ། ཡེ་ཤེས་བྱུང་ངོ་།། རང་སྣང་བས། འོད་བྱུང་ངོ་།། ཡེ་ནས་ཡོད་པས།
98b5 རིག་པ་བྱུང་ངོ་།། རང་ལ་མས་པས་མ་རིག་པ་བྱུང་ངོ་།། ཀུན་གྱིས་གྲུབ་པ།། ལས་ཐམས་ཅད་བྱུང་ངོ་།། ཐུག་པ་མེད་པས།། ཐུགས་རྗེ་བྱུང་ངོ་།། སེམས་ཅན་ལ་སྣང་ནུས་པས།། ཡོད་པ་ལྟར་སྣང་བ་བྱུང་ངོ་།། རང་བཞིན།། དེ་ལ་ནི་ངོ་བོ་ཡོད་དོ།།
98b6 ཀ་དག་གིས། རང་བཞིན་ལྟར་སྣང་བ་ཡོད་དོ། གང་ལ་བྱ་བྱེད་ཡོད་པས།། ཐུགས་རྗེ་ལྟར་སྣང་བ་ཡོད་དོ། མཛད་པ་ཅན་དུ་ཡོད།། རྩ་ལ་ཡོད་དོ།། སྣ་ཚོགས་སུ།། སྣང་བ་ཡོད་དོ། འོད་དུ། སེམས་ཡོད་དོ། སྡུད་པར་བྱེད་པའི་དངས་མ།། ཡིད
iiif viewer powered by OpenSeadragon
