| e-texts navigator |
| Wylie |
98a1 དམ་པའི་འཁོར་ལ། དང་པོའི་རིག་པའི་དབྱིངས་བསྟན་ཏོ།། རིག་པ་ཆོས་འབྱུང་སྐུས་བཀའ་སྩལ་པ། ཀྱེ་སྣང་བ་དམ་པའི་རིག་པ་ཡོངས་སུ་སྣང་བའི་འཁོར་རྣམས་ཉོན་ཅིག། གཉིས་པ་སྣང་ལུགས་བསྟན་པ། གཞི་སྣང
98a2 པབ་ཆེན་པོའི་རིག་པ་འདི་དག་རྣམས་ནི་སྒྲོན་མཁོང་གསལ་བར་བལྟའོ།། ཆོས་ཀྱི་སྐུའི་སྣང་བ་ནི། གནས་ལུགས་ཆེན་པོ་དང་འབྲེལ་པ་སྟེ། དེ་ཡང་གནས་ལུགས་ཆེན་པོ་གཅིག་ལ། སྣང་ལུགས་བཞིར་འཆར་བ་འདི་ལྟ་སྟེ། རིག
98a3 པ་དང་ཆོས་ཉིད་ཀྱི་གནས་ལུགས་ནི། མེ་ལོང་གི་དཀྱིལ་འཁོར་ལྟར་གསལ་བ་ལ་འབྱེད་མེད་དུ་གནས་པས། མ་རིག་པའི་རྒྱུ་བདག་ཉིད་གཅིག་པ་དང་ལྷན་ཅིག་སྐྱེས་པ་དང་ཀུན་བརྟགས་པའི། རྐྱེན་གྱིས་མ་བསྒྲིབས་པ། ཀ་དག་ཆེན་པོ།
98a4 རིག་པ་རྟོག་མེད། ཞེས་བྱ་སྟེ། ཡང་དག་པའི་སངས་རྒྱས་མ་བྱུང་། འཁོར་འདས་ཀྱི་ཕྱོགས་སུ་མ་ལྟུང་བའོ།། མ་དག་པའི་སེམས་ཅན་མ་བྱུང་བའི་གནས། རིག་པ་མ་གཡོས་པའི་ཡེ་གདངས་ཆེན་པོ་ཞེས་བྱའོ།། དེ་ལ་བརྗོད་དུ་མེད
98a5 ཡེ་ནས་སྟོང་པས།། དཔག་ཏུ་མེད་དོ། གཟུང་བྱ་དང་བྲལ་བས།། དམིགས་སུ་མེད་དོ། ལྟ་བར་བྱ་བ་དང་བྲལ་བས། གཞལ་དུ་མེད་དོ། དམིགས་པ་དང་བྲལ་བས།། བརྩིར་མེད་དོ། ཐ་སྙད་དང་བྲལ་བས།། གང་གིས་ཀྱང་གཏན་ལ་མི
98a6 ཕེབས་སོ།། རྟོགས་པར་དཀའ་བས། སྒྲ་ཚད་ལ་སོགས་པའི་ཚིག་གིས། མཚོན་དུ་མེད་དོ།། རིག་པ་ལ་ཆོས་མེད་པས་ཤེས་པའི་ཡུལ་དུ་བྱར་མེད་དོ།། དེས་ནི་འཁོར་བ་མི་མཐོང་། གཟུང་འཛིན་དང་བྲལ་བས། འཁོར་བས་དེ་ཉིད་མི་མཐོང་ངོ་།།
iiif viewer powered by OpenSeadragon
