| e-texts navigator |
| Wylie |
96a1 པ་ལྟར་ཡེ་ཤེས་དེ་སྣང་བ་ལ། གསལ་བ་ལ་མ་འགགས་པ། སྤྲོས་པ་མེད་པ་ལ་སྤྲོས་པ་ཆེན་པོ། རང་བཞིན་མ་འགགས་པ་ལ་སྣ་ཚོགས་མ་ངེས་པ་ཆེན་པོ། གསལ་བ་ལ་མུན་པ་མེད་པ། མ་འགགས
96a2 པས་མེད་པ་ཆེན་པོ། བབ་ཀྱིས་སྟོང་པ་ལ་ཀུན་དུ་འཆར་བ་ཆེན་པོ། མ་འདྲེས་པ་ལ་ཡོངས་སུ་སྣང་བ་ཆེན་པོ། ཀུན་ལ་ཁྱབ་པ་ལ་གཅིག་ཏུ་འདུས་པ་ཆེན་པོ། དག་པ་ལ་འཁྲུལ་པ་མ་འགགས་པ་ཆེན་པོ། རྫོགས་པ
96a3 ལ་གཅིག་ཏུ་སྣང་བ་ཆེན་པོ། ཐུགས་རྗེ་གོ་མ་འགགས་པར་བཞུགས་སོ།། ཆོས་ཀྱི་སྐུའི་གསུམ་གྱི་འབྱུང་ཚུལ་བསྟན་པ། སྣང་བ་མི་འགྱུར་བ་ལ། འཁྲུལ་པའི་སྣང་བ་ཡུལ་ལྟར་སྣང་བའི་དུས་ཡོངས་སུ་མ་ངེས་ཏེ། གཞི་ལས
96a4 འཁྲུལ་པའི་གོ་བྱུང་སྟེ། ངོ་བོ་མི་འགྱུར་བ་ལས། རང་བཞིན་མ་འགགས་པར་གསལ་བ་སྟེ། ཐུགས་རྗེ་མ་ངེས་པ་ལས། མ་རིག་པ་ལྟར་སྣང་བ་བྱུང་སྟེ། དེ་ལྟར་འཁྲུལ་པའི་ཡུལ་ཙམ་མོ། གསང་བའི་སྔགས་ལ་ཡེ
96a5 ནས་གནས་པའི་མཚན་གཞི་མཚོན་པའོ།། ཞེས་བཀྲ་ཤིས་མཛེས་ལྡན་ཆེན་པོའི་རྒྱུད་ལས། གཞི་གནས་ལུགས་ཀྱི་ལེའུ་སྟེ་དང་པོའོ།། །། དེ་ནས་ཡང་རིག་པའི་སྣང་བ་ཉིད་ཀྱིས། ལྷན་གྲུབ་ལས་མ་རིག་པའི་བྱང
96a6 ཚུལ་བསྟན། རང་གིས་འཁྲུལ་ཚུལ་སྣང་བ་འདི་གསུངས་སོ།། གཉིས་པ་གཞི་ལས་འཁྲུལ་ཚུལ་བསྟན་པ། ཀྱེ་མ་ང་ལ། ཀ་དག་པ། འཁྲུལ་པ་མེད་ཀྱང་། ངའི་རྩལ་ལས་ལྷུན་གྲུབ་ཙམ་དུ་འཁྲུལ་པ་བྱུང་སྟེ། གཞི་ཀ་དག་མི་འགྱུར་བ་ལས།
iiif viewer powered by OpenSeadragon
