| e-texts navigator |
| Wylie |
93b1 པས་སྟོང་པར་དག། དང་ཤེས་པས་ནི་མི་རྟོག་སྐྱེ།། བདག་ཉིད་ཆེན་པོ་ཤེས་པ་ཡི།། ཁམས་གསུམ་འཁོར་བའི་རྩ་བ་གཅོད།། དེ་དག་གིས་ནི་རང་གྲོལ་གདེང་།། བྱས་པ་མེད་པ་ཐོབ་པར་ངེས།། ཨེ་མ་ངོ་མཚར་རྨད
93b2 དུ་བྱུང་།། བྱས་པ་མེད་པའི་ནམ་མཁའ་ལ།། བཅོས་པ་མེད་པའི་ཚིག་ཤར་བ།། མ་བསམ་རང་བྱུང་བློ་ལ་གོ།། དེ་ལྟར་གོ་ནས་ཤེས་རྟོགས་པས།། སྡེ་སྣོད་ཀུན་གྱི་རྩ་བར་ཡང་།། རྒྱུད་ཀྱི་རྒྱལ་པོ་ཐལ་འགྱུར
93b3 ཉིད།། ཡང་གསང་བླ་མེད་བསྟན་པ་འདི།། འདི་ཉིད་ཡིན་པར་ཡིད་ཆེས་ཏེ།། རང་བཞིན་སྣང་བའི་འཁོར་རྣམས་ཀུན།། རབ་ཏུ་མགུ་བའི་སེམས་བསྐྱེད་ནས།། རྒྱུད་འདི་བཀླག་དང་བཅང་བ་དང་།། བྲི་ཞིང་འཛིན།
93b4 པ་ཉིད་དུ་སྟེ།། མགུལ་དང་སྤྱི་བོར་བཟུང་བཅངས་པས།། སངས་རྒྱས་ཐམས་ཅད་བཀུར་བར་སྤྱད།། དེ་ལྟར་ཁས་བླངས་དམ་བཅས་ནས།། སྟོན་པ་སངས་རྒྱས་བཅོམ་ལྡན་འདས།། ཡོན་ཏན་རྫོགས་པའི་སྐུ་ལ
93b5 བསྟོད།། དེ་ནས་རབ་ཏུ་འདུས་པ་རྣམས།། དགའ་མགུ་རང་བའི་སེམས་སྐྱེས་ནས།། ནམ་མཁའ་རང་དག་གསལ་བ་དང་།། བརྗོད་མེད་ཚིག་རྣམས་རང་ཤར་ལ།། རྗེས་སུ་ཡི་རང་བདེ་རྙེད་ནས།། རང་བཞིན་རྫོགས
93b6 པ་ཆེན་པོ་ཡི།། སྤྲོས་པ་མེད་དང་མཉམ་པར་འགྱུར།། ཆོས་རྣམས་ཐིག་ལེ་ཉག་གཅིག་གོ། དགོངས་པ་རོ་མཉམ་ཐོབ་ནས་ནི།། པདྨ་ལས་སྐྱེས་བཅོམ་ལྡན་འདས།། ལེགས་སོ་ལེགས་སོ་ལེགས་པར
iiif viewer powered by OpenSeadragon
