| e-texts navigator |
| Wylie |
93a1 ལས་མཐའ་བཤད།། ཁ་དོག་དཀར་དམར་གོང་གིས་ཤེས།། མ་ངེས་འགྱུར་བས་དོན་མི་འགྲུབ།། གསལ་ཞིང་འཚེར་བས་མཆོག་འགྲུབ་པའོ།། སྒྲ་ནི་ཤག་དང་སྡིག་པ་དང་།། ཏོག་དང་སེང་བས་སྣ
93a2 ཚོགས་ལས།། འུར་ཞིང་སིང་བས་མཆོག་ཐོབ་པའོ།། གཞན་ཡང་རླུང་གི་ལས་མཐའ་བཤད།། ཁ་དོག་དཀར་དམར་གོང་བཞིན་ནོ།། གནག་ཅིང་འཆུབ་པས་དོན་མི་འགྲུབ།། སྣ་ཚོགས་འབར་མཆོག་འགྲུབ་པ
93a3 ཡིན།། སྒྲ་ནི་འུར་འཐིབ་སྣ་ཚོགས་ལས།། སིང་དང་སྣ་ཚོགས་མཆོག་འཐོབ་བོ།། གཞན་ཡང་རྟགས་དང་རང་བཞིན་བཤད།། དེ་ལྟར་གོང་གི་རྟགས་བྱུང་ནས།། ཟླ་གསུམ་དང་ནི་ཟླ་དྲུག་ནས།། གཉིས་ཀྱིས་བེམ
93a4 དང་རིག་སྒྲ་ཤེས།། ཟླ་བཅུ་དང་ནི་བཅོ་བརྒྱད་ནས།། སོ་སོའི་སྒྲ་དང་རིགས་དྲུག་སྐད།། ཅི་ལྟར་གསུངས་པ་བཞིན་ཤེས་སོ།། གཞན་ཡང་འབྲས་བུའི་རིམ་པ་ནི།། ཆོས་སྐུ་སེམས་ཀྱི་ལས་ཀྱིས་དང་།། ལོངས་སྐུ་ངག
93a5 གིས་རྣམ་པར་ཐོབ།། སྤྲུལ་པའི་སྐུ་ནི་ལུས་ཀྱིས་སོ།། ངོ་བོ་ཉིད་ནི་ཆ་མཉམ་པས།། ལུས་ནི་འབྱུང་བ་དག་པ་དང་།། ངག་ནི་ཨཱ་ལི་ཀ་ལཱིར་སྦྱོར།། སེམས་ནི་དངོས་མེད་ཟང་ཐལ་ལོ།། གསུམ་འདུས་པས་ནི་བདེ་ཆེན
93a6 ནོ།། གཞན་ཡང་རབ་ཏུ་བཤད་བྱ་བ།། སྐུ་ཡི་མཚན་ཉིད་རབ་ཤེས་པས།། འཁྲུལ་པ་ཐམས་ཅད་དུས་གཅིག་འགགས།། སྐུ་ཡི་རང་བཞིན་ཡོངས་ཤེས་པས།། གསལ་དང་སྟོང་པའི་སོ་མཚམས་ཟིན།། ངོ་བོ་ཤེས
iiif viewer powered by OpenSeadragon
