| e-texts navigator |
| Wylie |
91b1 པའོ།། ཕྲིན་ལས་མ་བྱུང་མ་སྐྱེས་བྱས་པ་མེད།། ཤུགས་འབྱུང་བ་དང་འགག་པ་མེད།། མ་བྱས་བྱས་པ་མེད་པའོ།། ཞུས་ལན་བཞི་པ།། ལོངས་སྤྱོད་སྐུ་ཡང་སྐུ་གསུང་ཐུགས།། ཡོན་ཏན་ཕྲིན་ལས་ལྔ་ཡིན་ནོ།། སྐུ་ནི་སྣང
91b2 ལ་རང་བཞིན་མེད།། གསལ་དང་གསལ་བྱེད་རིག་པས་ཁྱབ།། གསུང་ནི་རང་བྱུང་བ་དང་རང་སྣང་བ།། སྤྲོ་བསྡུ་རྣམ་པའི་འཁོར་ལོ་ཡི།། ཐུགས་ནི་རྒྱུན་མེད་གཟིགས་པ་དང་། མཁྱེན་པའི་རྩལ་དང་དགོངས
91b3 པའོ།། ཡོན་ཏན་མཚན་དཔེ་རྫོགས་པ་ལས།། དགོངས་གསལ་མངོན་ཤེས་རྫོགས་པའོ།། ཕྲིན་ལས་ཆོས་ཀྱི་འཁོར་ལོ་ལས།། ཕྱི་ནང་གསང་བ་རྣམས་སྤྲོས་ཏེ།། སོ་སོའི་རིགས་ཀྱི་སངས་རྒྱས་དང་།། བྱང་ཆུབ
91b4 སེམས་དཔའ་རྣམས་ལ་ཡང་།། རང་བྱུང་ལྗགས་ལས་རྣམ་སྤྲོས་ཏེ།། འཁོར་ལ་རང་གི་ངོ་བོས་སྟོན།། ཞུས་ལན་ལྔ་པ།། སྤྲུལ་པའི་སྐུ་ཡང་སྐུ་གསུང་ཐུགས།། ཡོན་ཏན་ཕྲིན་ལས་ལྔ་ལྔའོ།། སྐུ་ནི་མཚན་དང་དཔེ་བྱད
91b5 ལ།། གདུལ་བྱ་གང་བྱུང་ལུས་སྤྲུལ་པ།། གསུང་ནི་ཚིག་སྦྱོར་ལེགས་པ་ལ།། ཚངས་པའི་དབྱངས་ནི་ཡན་ལག་དྲུག། ཐུགས་ནི་ཤེས་བྱའི་ཡེ་ཤེས་ཀྱིས།། རང་གཞན་དོན་གཉིས་དགོངས་པར་གནས།། ཡོན་ཏན
91b6 མཁྱེན་པ་རྫོགས་པ་དང་།། ཕྲིན་ལས་ཕྱི་ནང་གསང་བ་ཡི།། མཛད་པ་མ་ལུས་རྫོགས་པ་དང་།། ཕུན་སུམ་ཚོགས་པ་ལྔར་གནས་པའོ།། ཞུས་ལན་དྲུག་པ།། སྐུ་ཡི་མཚན་ཉིད་ངོ་བོ་དང་།། ངེས་ཚིག་དབྱེ་བ་རྣམས་དང
iiif viewer powered by OpenSeadragon
