| e-texts navigator |
| Wylie |
5b1 བསྟན་པའི་ལེའུ་སྟེ་དང་པོའོ།། །། དེ་ནས་སྟོན་པ་ཆ་འདིའི་རྟགས་བསྟན་པ་རྡོ་རྗེ་འཆང་།། འདི་ཉིད་ཆོས་སྒྲ་ཐམས་ཅད་ལ།། ཟག་པ་ཟད་ཅིང་རྡུལ་མེད་པས།། མཉམ་པ་ཉིད་ཀྱི་ཆོས་ཉིད་ལས།། མཉམ་པ་ཆེན
5b2 པོར་གཟིགས་ནས་ནི།། རྡོ་རྗེ་ཡི་ནི་རིགས་ཀྱི་ཡང་།། མཁའ་འགྲོ་མ་ནི་གསལ་ཡིད་ལ།། འདི་སྐད་ཚིག་ནི་སྟོན་པས་གསུངས།། ཀྱེ་མ་ཉོན་ཅིག་མཁའ་འགྲོ་མ།། ང་ཡིས་བསྟན་གྱིས་ང་ལ་ཉོན།། ཁྱོད་ཀྱིས་མི་འགྱུར
5b3 ཡིད་ཀྱིས་ཀྱང་།། ང་ཡི་ཚིག་འདི་རབ་ཉོན་ལ།། དང་བའི་ཡིད་ཀྱིས་ལེགས་པར་ཟུང་།། འདི་ལྟར་སྐྱེས་བུ་སྐལ་པ་ཅན།། ཆོས་ཉིད་དོན་ལ་ཚེ་འདི་ལ་ནི། གོམས་ནས་ནི།། ཕྱིར་མི་ལྡོག་ཉམས་ལེན་ཐུན་མོང་མ་ཡིན་པ། པའི་ས
5b4 ལ་ཡང་།། སུ་ཡིས་སྤྱད་པར་ནུས་པ་ལ།། ལུས་ངག་སེམས་གྱི་རྟགས་སུ་ཡང་།། འདི་རྣམས་འབྱུང་ངོ་མཁའ་འགྲོ་མ།། གང་གིས་སྒྲ་ལ་གོམས་པའི་རྟགས། འབྱུང་བའི་སྒྲ་རྣམས་དང་།། རིགས་དྲུག་སྒྲ་ལ་སུས་གོམས
5b5 པ།། འདི་ལ་འབྱུང་བས་མི་གནོད་ཅིང་།། དེ་བཞིན་མེ་ཡིས་འཚིག་པ་མེད།། ཆུ་ཡིས་བྱིང་ཞིང་ཁྱེར་བ་མེད།། རྐང་པས་ས་ལ་ས་ལ་ཁྲུ་གང་གིས་མ་རེག་པར།། བར་སྣང་ལ་ཡང་འགྲོ་བར་ནུས།། རླུང་གིས་གྲང་ཞིང་གཡོ
5b6 བ་མེད།། འདི་ལྟར་སུ་ལ་བྱུང་བ་ནི།། འབྱུང་བཞིའི་སྒྲ་ལ་གོམས་པ་ཡིན།། སེམས་ཅན་མི་དང་མི་མ་ཡིན་པ་སོགས་སྣང་དང་མི་སྣང་བའི།། སྐད་ནི་གང་གིས་ཤེས་པ་དེ།། རིགས་དྲུག་གཟུགས་སུ་མི་ལེན་ཕྱིར།། འགྲོ་བ
iiif viewer powered by OpenSeadragon
