| e-texts navigator |
| Wylie |
362a1 གྲོལ་བ་རྣམས་གྲོལ་བར་བཤད།། མ་སྨིན་པ་རྣམས་སྨིན་པར་བཤད།། ཐེག་ཆེན་གསང་བའི་དོན་འདི་ཡིས།། ཐམས་ཅད་བླ་མེད་དབྱིངས་སུ་སྒྲོལ།། ཡེ་ཤེས་ཐབས་ཀྱིས་དོན་ཆེན་རྟོགས།། ཟབས
362a2 མཁས་པ་ཡི་སྐྱེས་བུ་ཡིས།། དོན་དམ་དཀྱིལ་འཁོར་རང་ལ་རྫོགས།། ཡེ་ཤེས་དཀྱིལ་འཁོར་བསམ་ཡས་འགྲུབ།། སེམས་ཀྱི་སྣང་བ་བསམ་མི་ཁྱབ།། ཡེ་ཤེས་སྣང་བ་གཅིག་ལས་མེད།། དོན་གྱི་ཡེ་ཤེས་རྟོགས
362a3 དཀའ་བ།། བསམ་པའི་ཆོས་ཉིད་ཚུལ་མཐུན་པས།། དོན་དམ་ཡེ་ཤེས་ཐབས་ཉིད་རྟོགས།། ཨེ་མ་ངོ་མཚར་ཆེ་བའི་རྒྱུད།། འདི་ཡིས་ཐམས་ཅད་གྲོལ་བར་འགྱུར།། ཡེ་ཤེས་རབ་ཏུ་རྟོགས་པའོ།། ཞེས་སེང་གེ་རྩལ
362a4 རྫོགས་ཆེན་པོའི་རྒྱུད་ལས་དགོངས་པའི་མདོ་བསྡུས་པའི་ལེའུ་སྟེ་བཅུ་གསུམ་པའོ།། །། དེ་ལྟར་སྟོན་པ་ཀུན་ཏུ་བཟང་པོས་འོག་མིན་གྱི་གནས་སུ་འཁོར་རྣམས་ལ་རིག་པའི་ཐབས་བསྟན་པ། གསང་སྔགས
362a5 ཀུན་གྱི་བལྟ་བའི་དོན། མ་ནོར་བར་སྟོན་པའི་རྒྱུད། ཡེ་ཤེས་ལག་འཕྲོད་དུ་བསྟན་པ། རིག་པ་རང་ལུགས་སུ་བསྟན་པ། དབང་བཞི་ཡོངས་རྫོགས་སུ་བསྟན་པའི་རྒྱུད་སེང་གེ་རྩལ་རྫོགས་ཆེན་པོའི་རྒྱུད་ཅེས་བྱ
362a6 བ། ཐམས་ཅད་ཀྱི་དགོངས་པ་བསྟན་པ་རྫོགས་སོ།། སེང་གེ་རྩལ་རྫོགས་ཉིད་ལ་མ་བུ་བཅུ།། ། ཧ་ཤཾ་འབར་བའི་སྐད་དུ། དུར་ན་ཨ་ལོ་གེ་པ་ཡན་བྷ་སིང་ཨེ་མ་ཧོ།
iiif viewer powered by OpenSeadragon
361b -
