| e-texts navigator |
| Wylie |
361a1 རྗེས་སེམས་ཅན་ཐམས་ཅད་ལ།། བལྟ་བའི་དོན་ལས་མི་འདའ་ཞིང་།། རང་རིག་ཉམས་སུ་བླང་བའི་ཕྱིར།། བསམ་འདས་དངོས་པོའི་ཡུལ་དུ་མེད།། གསང་བའི་ཤེས་རབ་ཐུག་མེད་པས།། རིག་པའི
361a2 ཆོ་འཕྲུལ་ཅིར་ཡང་སྟོན།། ཡེ་ཤེས་ཐབས་ལ་མཁས་པ་ཡིས།། དབྱིངས་དང་རིག་པ་ལྡན་བྱས་ན།། རང་རིག་ས་ལ་བདེ་བར་གནས།། གསང་བའི་ཡེ་ཤེས་ལྷུན་རྫོགས་པས།། བྱ་བའི་ཡུལ་དུ་མི་གནས་པས།། མཚན
361a3 མ་གཡེངས་པའི་དུས་མེད་པས།། རང་རིག་དཀྱིལ་འཁོར་རྣམ་ལྔ་རྫོགས།། གསང་བའི་ཡེ་ཤེས་ཁོང་གསལ་བས།། བརྗོད་པའི་ཚིག་ལས་འདས་པའོ།། ཡེ་ཤེས་སྐུ་ལ་རབ་གནས་པས།། དུས་དང་མཐའ་ལ་མི
361a4 གནས་པའོ།། གཅིག་ཏུ་མེད་པས་དོན་དམ་ཉིད།། ཕྱོགས་སུ་མེད་པས་ལྟ་དང་བྲལ།། བཅོས་སུ་མེད་པས་སྒོམ་དང་བྲལ།། ཡིན་མིན་མེད་པས་སྤྱོད་དང་བྲལ།། རིགས་ཀྱི་ཁ་དོག་ལྔར་སྣང་བས།། ཡེ་ཤེས་ལྔ་ཡི་རང
361a5 རྩལ་རྫོགས།། འབྱུང་བ་ལྔ་ཡི་རྩལ་སྣང་བ།། རང་བྱུང་ཡེ་ཤེས་ངོ་བོར་རྫོགས།། ཤེས་རབ་ལྔ་ཡི་དོན་རྟོགས་པས།། ལུ་གུ་རྒྱུད་གྱི་ངང་དུ་རྫོགས།། རྩལ་གྱི་ཡེ་ཤེས་རང་སྣང་བས།། དམིགས་པའི་ཡུལ་མེད་རྣམ་པར
361a6 དག། མེད་པ་རྩལ་སྣང་རིག་པའི་སྐུ།། འཛིན་མེད་ངོ་བོར་རྣམ་པར་དག། གསལ་བ་ཟང་ཐལ་ངོ་བོར་རྫོགས།། ཨེ་མ་གསང་བའི་གླུ་བླངས་པས།། ཡེ་ཤེས་ཅན་ལ་རབ་ཏུ་སྣང་།། ལས་རབ་རྫོགས་པའི་ཆོས་སྐུ
iiif viewer powered by OpenSeadragon
