| e-texts navigator |
| Wylie |
360a1 རྩལ་གསུམ་རྫོགས།། མཚོན་དུ་མེད་པས་ཐེ་ཚོམ་བྲལ།། ཡིད་དུ་མེད་པས་དཔྱོད་བྱེད་མེད།། སེམས་སུ་མེད་པས་བག་ཆགས་མེད།། མ་རིག་མེད་པས་རང་སར་གྲོལ།། རྟོག་པ་མེད་པས་རྩིས་ལས
360a2 འདས།། མཐར་ལྷུང་མེད་པས་འོད་དུ་སྣང་།། བྱ་རྩོལ་བྲལ་བས་ཡེ་ནས་གནས།། ཡིན་མིན་མེད་པས་རང་ལས་བྱུང་།། ཆོས་ཉིད་ཡེ་ཤེས་རང་གནས་པས།། གཞན་ནས་རྙེད་པར་འགྱུར་མ་ཡིན།། གསང་སྔགས
360a3 གསལ་བའི་ཤེས་རབ་ནི།། གཅིག་ཏུ་སྣང་དང་དུ་མར་མེད།། སྣང་བའི་ཡེ་ཤེས་སྐུ་ལྟར་སྣང་།། མཐའ་ཡས་ཡེ་ནས་རང་ལ་གནས།། དོན་སྡུད་དཀྱིལ་འཁོར་རྣམ་ལྔ་བྱུང་།། ཡེ་ནས་རྒྱ་ཉིད་མ་ཆད་པར།། ལྷུན་གྲུབ
360a4 ཆེན་པོའི་སྣང་བར་རྟོགས།། ས་དང་ལམ་ལ་རབ་གནས་པས།། དྲི་མར་བཟུང་བའི་དངོས་པོ་མེད།། བྱས་པས་རྙེད་པར་མི་འགྱུར་རོ།། སྣང་བའི་ཡེ་ཤེས་ལྷུན་སྡུག་ལྡན།། སྟོང་པའི་ཡེ་ཤེས་ཐབས་མཐའ
360a5 ཡས།། འགྲན་ཟླ་མེད་པའི་ཉག་གཅིག་པོ།། མཚན་ཉིད་མེད་པར་རང་སར་གྲོལ།། ཡེ་ཤེས་གསལ་བའི་རླུང་ཆེན་གྱིས།། དྲན་པ་སངས་པའི་མཁའ་ལ་བསྐྱོད།། མཐའ་ལ་མི་གནས་ཡངས་པའི་སྐུ།། བརྡལ་བ་ཆོས
360a6 ཉིད་སྣང་བའི་སེམས།། ཡུལ་ལ་རྟོག་ཅིང་དོན་དུ་སྡུད།། རིག་པའི་ཡེ་ཤེས་རང་ཤར་བས།། སྟོང་པའི་ཡེ་ཤེས་ལྷུན་མཉམ་གསལ།། དྲི་མེད་ཡེ་ཤེས་མཁའ་གསལ་གནས།། སྔ་ཕྱི་མེད་པར་བདེ་གནས་པ།། ཕྱོགས་ཆ
iiif viewer powered by OpenSeadragon
