| e-texts navigator |
| Wylie |
359a1 ཀུན།། བསལ་ནས་ཡེ་ཤེས་དོན་ལ་འཇུག། འབྱུང་བའི་ཡེ་ཤེས་ཐབས་ཀྱི་སྐུ།། ཀུན་གྱི་སྙིང་པོར་གནས་པའོ།། ཨེ་མ་ཧོ།། ཡངས་པའི་གྲོང་ཁྱེར་ཤེལ་གྱི་ཁང་བུའི་ནང་།། དགོངས་པ་རང་གནས་ཉི་ཟླ
359a2 ལྔ་ཤར་བས།། རྣམ་དག་རྟོག་མེད་སྐུ་ལྔར་ལྷུན་གྱིས་གྲུབ།། ཐུགས་རྗེའི་ཟེར་ལྡན་ཡེ་ཤེས་ལྔ་རྟོགས་པས།། སྣང་བ་རྒྱས་འདེབས་སྣང་སྲིད་དབང་དུ་འདུས།། ཡེ་ཤེས་སྟོབས་ཀྱི་ཁྱད་པར་ནི།། གང་གིས་སྣང་བ
359a3 བཅད་པ་དང་།། གང་གིས་སྣང་བ་འཕྲོག་པ་དང་།། གང་ལ་སྣང་བ་འདུས་པའོ།། གང་གི་སྣང་བ་ཆོས་ཀྱི་སྐུ།། ཕྱོགས་དང་རིས་སུ་མི་སྣང་བས།། ཐབས་དང་ཤེས་རབ་འབྲེལ་རྟོགས་ན།། ཐབས་ཀྱི་ཡན་ལག་ཆོས
359a4 ཀྱི་སྐུ།། ཤེས་རབ་རང་བྱུང་དོན་ལ་སྤྱོད།། ཐུགས་རྗེ་གཉིས་སུ་མེད་པར་གྲོལ།། གསལ་བའི་ཡེ་ཤེས་ཡེ་གནས་དོན།། མཐའ་དང་དབུས་སུ་མི་འབྱེད་པས།། མཐའ་གཉིས་རྟོགས་ན་དབུས་ཀྱི་ངང་།། སྐྱོན་ཉིད
359a5 རྟོགས་ན་ཡོན་ཏན་རྫོགས།། ཉོན་མོངས་ཡེ་ཤེས་ཉིད་ཏུ་རྟོགས།། གསང་ཐབས་རྡོ་རྗེའི་ལུས་ཚོགས་ནི།། དོན་དམ་ཀུན་རྫོབ་ལྟར་སྣང་བའོ།། ཡེ་ནས་ཆོས་སྐུར་རང་གནས་པས།། མཐའ་དང་དབུས་སུ་མི་གནས
359a6 པ།། ཆོས་ཉིད་རྟོགས་པས་ཐབས་ལ་མཁས།། ཡེ་ཤེས་དཀྱིལ་འཁོར་བསམ་ཡས་རྣམས།། མ་བཅོས་བསམ་ཡས་ལྷུན་གྱིས་གྲུབ།། བདེ་བ་བསམ་ཡས་དཀྱིལ་འཁོར་ཆེ།། སྣང་བའི་ཡེ་ཤེས་སྐུར་གནས་པས།། བདེ
iiif viewer powered by OpenSeadragon
