| e-texts navigator |
| Wylie |
358b1 མ་ཉིད། གཏང་བཞག་གཉིས་སུ་མེད་པའི་ཕྱིར།། ཐབས་ལྡན་ཤེས་རབ་ལྡན་པས་རྟོགས།། གསང་སྔགས་ཡེ་ཤེས་ཚོགས་ཀྱི་སྐུ།། མཐུན་པའི་འོད་དང་བཅས་པའོ།། འཛིན་པ་མེད་པའི་ས་ཕྱོགས་ནས།། དག་པའི
358b2 ཡེ་ཤེས་ངོས་གཟུང་བྱ།། སྙིང་རྗེ་ཆེན་པོའི་ཐབས་མངའ་བས།། སེམས་ཅན་ཐམས་ཅད་གཟུང་བྱའི་ཡུལ།། སྣང་བའི་ཡེ་ཤེས་འོད་སྐུ་ལ།། སྣང་བ་ཐམས་ཅད་རྫོགས་པའོ།། ཡེ་ནས་རང་གསལ་ཆོས་ཉིད་ནི།། གསང
358b3 བའི་ཡེ་ཤེས་མཁའ་ལ་གསལ།། དོན་དམ་ཀུན་རྫོབ་གཉིས་མེད་ནི།། དུས་གསུམ་སངས་རྒྱས་རྣམས་ཀྱི་ལྟ་བར་འདོད།། ཐབས་མཁས་རྟོགས་པའི་ཀློང་གནས་པས།། ཡེ་ཤེས་ཐུགས་རྗེ་རྒྱུན་མི་འཆད།། ཡེ
358b4 ཤེས་ཐབས་ལ་མཁས་པ་ཡིས།། རང་གི་དེ་ཉིད་ཉམས་སུ་བླངས།། དེ་ལ་གོམས་ཏེ་ཉམས་ལོན་ན།། ཡེ་ཤེས་སྐྱེ་བའི་རིམ་པ་དང་།། ཡེ་ཤེས་གནས་པའི་རིག་པ་དང་།། རིག་པ་འཆར་བའི་ལྟ་སྟངས་བརྟགས།། ཡེ
358b5 ནས་གནས་པའི་སྙིང་པོའི་སྐུ།། རྒྱ་མ་ཆད་པའི་ཡེ་ཤེས་ཡིན།། ལྷུན་གྱིས་གྲུབ་པའི་བུདྡྷ་དང་།། གཉིས་སུ་མེད་པར་སྙོམས་པར་ཞུགས།། ཡང་དག་དོན་གྱི་ངོ་བོ་ལ།། སངས་རྒྱས་སེམས་ཅན་གཉིས་མེད
358b6 ཀྱང་།། སེམས་ཅན་བློ་ཡི་འཁྲུལ་ཚུལ་ལ།། རྣམ་པ་གཉིས་ལྟར་སྣང་དུ་ཟད།། སྣང་བའི་གོ་ན་རིག་པ་ཉིད།། མཐར་ལྷུང་ཉིད་དུ་གནས་པ་ཡིན།། གཅིག་དང་གཉིས་ལ་སོགས་པ་ཡི།། མཐའ་བཞིའི་དྲི་མ་ཕྲ་རགས
iiif viewer powered by OpenSeadragon
