| e-texts navigator |
| Wylie |
358a1 འཛིན་མི་མངའ་ཡང་།། སེམས་ཅན་མ་རིག་ལོང་བ་རྣམས།། འཁོར་བ་ཉིད་ལས་བསྒྲལ་བྱའི་ཕྱིར།། ང་ཡིས་བསྟན་གྱིས་ཁྱེད་ཀྱིས་གཟུང་།། ཁྱེད་ཀྱིས་ཞུས་པ་དེ་ལེགས་སོ།། ལེགས་སོ་ལེགས་སོ།
358a2 རིགས་ཀྱི་བུ།། སྟོང་པའི་ཡེ་ཤེས་མཐའ་མེད་ཀྱང་།། དག་པའི་ཡེ་ཤེས་དྲི་མ་མེད།། དགོངས་པའི་ངང་ལ་གང་གནས་པ།། རང་བྱུང་ཡེ་ཤེས་དེ་དང་ཉེ།། རྟོགས་པའི་ཤེས་རབ་ཡུལ་ལ་འཆར།། འབྱུང་བ་ལྔ་ཡི་དྲི་མས
358a3 ཀྱང་།། དག་པའི་ཡེ་ཤེས་སྒྲིབ་ནུས་ན།། མ་རིག་ལ་སོགས་ཉོན་མོངས་ཀྱིས།། དག་པའི་ཡེ་ཤེས་སྐྱེ་དབང་མེད།། མ་རིག་ལ་སོགས་འཛིན་པ་རྣམས།། རྐྱེན་དང་བྲལ་ན་རང་རིག་གྲོགས།། སྐུ་ཡི་འོད་དང་གསུང་གི
358a4 ཟེར།། ཉོན་མོངས་ཉིད་ལས་སྐྱེ་བར་འགྱུར།། གསང་བའི་ཡེ་ཤེས་ཁོང་གསལ་བ།། དཔེར་ན་དབུལ་མོའི་གཏེར་དང་མཚུངས།། དག་པའི་ཡེ་ཤེས་ཡུལ་གསལ་བ།། དཔེར་ན་ཉི་ཟླའི་འོད་དང་མཚུངས།། སངས་རྒྱས
358a5 ཡེ་ཤེས་སྐུ་མངའ་བ།། ཡེ་ཤེས་ཚིག་ཆོད་རྣམ་པར་དག། གསང་བའི་ཡེ་ཤེས་རྙེད་དཀའ་བ།། ཀུན་གྱིས་གོ་བ་མ་ཡིན་ཏེ།། གསང་སྔགས་ཐབས་ཀྱི་སྒོ་མང་ཡང་།། དག་པའི་ཡེ་ཤེས་རྟོག་པ་མེད།། ལུ་གུ་རྒྱུད་དུ
358a6 རྟོགས་པ་མེད།། ཡང་གསང་ངེས་པའི་ལུང་ཆེན་འདི།། དྲི་མ་གཉིས་དང་རབ་ཏུ་བྲལ།། ཨེ་མ་ཡེ་ཤེས་དག་པའི་སྐུ།། འགའ་དང་འགའ་ལ་སྣང་བ་ལས།། ཀུན་གྱིས་མཐོང་བ་མ་ཡིན་ནོ།། ཡང་གསང་རིག་པའི་སྒྲོན
iiif viewer powered by OpenSeadragon
