| e-texts navigator |
| Wylie |
357b1 གནས།། ནམ་མཁའི་མཐོངས་ནས་ཉི་ཤར་བས།། སེམས་ཅན་ཟད་ཀའི་མུན་པ་བསལ་བ་ལྟར།། གསང་བའི་དུས་ན་རིག་པ་རང་གནས་པ།། ཡེ་གནས་དགོངས་པ་ཆུ་བོའི་གཞུང་དང་འདྲ།། དེ་ལྟ་བུ་ཡི་རྩལ
357b2 དབང་ཐོབ་གྱུར་ན།། སྟོང་པའི་ཡེ་ཤེས་རང་གནས་རྫོགས་པར་གསུངས།། ཕྱི་ནང་གསང་བའི་དབང་རྫོགས་ན།། ཡོངས་སུ་རྫོགས་པའི་རིག་པའི་དབང་།། མ་བསྐུར་ཡེ་ནས་རྫོགས་པར་འགྱུར།། སྣང་ལུས་ཀྱང་བ
357b3 རིགས་ཀྱི་ལུང་ལྟ་བུ།། བྱར་མེད་ལྷུན་མཉམ་ངང་དུ་རྫོགས།། ཡེ་ཤེས་དབང་བསྐུར་དམ་པ་འདི།། སེམས་ཅན་རྣམས་ཀྱིས་ཐོབ་བྱའི་ཕྱིར།། ཐབས་ལ་མཁས་པའི་སྐྱེས་བུས་བཤད།། དེ་ནི་རྩལ་དབང་རྫོགས
357b4 པའོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས། སེང་གེ་རྩལ་རྫོགས་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ཀུན་རིག་ཆོས་ཀྱི་རྗེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཀུན
357b5 བཟང་ཡབ།། བདག་ཅག་དད་པས་ཞུས་པ་ལ།། དོན་གྱི་དཀྱིལ་འཁོར་བསྟན་དུ་གསོལ།། སེམས་ཅན་རྣམས་ལ་ཕན་གདགས་ཕྱིར། བདག་གིས་ཞུས་པའི་ཚིག་རྣམས་ཀུན།། མ་ནོར་ལེགས་པར་གསུང་དུ
357b6 གསོལ།། དེ་ནས་ཀུན་བཟང་སེང་གེ་དེས།། རྣམ་པ་བསྒྱིངས་ཏེ་བཀའ་སྩལ་པ།། གསང་བའི་སྒྲོན་མ་ཡེ་གནས་པས།། དགོངས་པའི་དོན་ལ་རྣམ་པར་བརྟགས།། ཀྱེ་མ་སངས་རྒྱས་རྣམས་ཀྱི་འཁོར།། ཁྱེད་ལ་གཟུང
iiif viewer powered by OpenSeadragon
