| e-texts navigator |
| Wylie |
357a1 བཏགས་པས་སྟོང་།། སྒྲ་ཡི་རང་བཞིན་སྣ་ཚོགས་མིང་དང་བྲལ།། སྔགས་ཀྱི་རང་བཞིན་བཟླས་བརྗོད་ཡུལ་ལས་འདས།། ཆོས་ཀྱི་རང་བཞིན་ཡེ་ནས་བསྒྲུབ་དང་བྲལ།། སྐུ་ཡི་རང་བཞིན་ཡེ་ནས་རྣམ
357a2 པར་དག། ཡེ་ཤེས་རང་བཞིན་ཡེ་ནས་རྟོག་མཐའ་བྲལ།། འོད་ཀྱི་རང་བཞིན་ཡེ་ནས་ཐུག་པ་མེད།། ཚིག་གི་རང་བཞིན་བརྗོད་པ་ཉིད་དུ་མེད།། བདག་དང་གཞན་སྣང་གཉིས་ཀྱི་མཐའ་དང་བྲལ།། ཟད་མེད་ནོར་བུ
357a3 རིན་ཆེན་རིན་ཐང་མེད་པ་ཡང་།། ཟང་ཟིང་ལོངས་སྤྱོད་སྣ་ཚོགས་རབ་སྣང་བས།། སེམས་ཅན་དབུལ་བའི་སྡུག་བསྔལ་སེལ་བ་ལྟར།། རང་བྱུང་ཡེ་ཤེས་ཡོན་ཏན་སྣ་ཚོགས་ཀྱིས།། མ་རིག་ཉོན་མོངས་ཐམས་ཅད
357a4 སེལ་བར་བྱེད།། ཨེ་མ་ཧོ།། སངས་རྒྱས་ཡེ་ཤེས་དབང་རྫོགས་པ།། འགྱུར་བ་མེད་པའི་དབང་ཆེན་ཐོབ།། ཡང་དག་ལྷུན་རྫོགས་དབང་ལྡན་པས།། ཡེ་གནས་ལྷུན་འབྱམས་རྩལ་དབང་ཐོབ།། རྟོག་མེད་རིག་པའི
357a5 དབང་རྫོགས་པས།། དབྱིངས་རིག་གསལ་བའི་བརྡ་དབང་ཐོབ།། ཟག་མེད་ཐིག་ལེའི་དབང་རྫོགས་པས།། ལྷུན་འབྱམས་སྟོང་པའི་རྩལ་དབང་ཐོབ།། དགོངས་པ་ཅིག་ཆོད་དབང་རྫོགས་པས།། ཡེ་གསལ་ལྷུན
357a6 མཉམ་རྩལ་དབང་ཐོབ།། རིག་པ་ཡེ་ཤེས་དབང་རྫོགས་པས།། བྱ་བྲལ་ལྷུན་རྫོགས་རྩལ་དབང་ཐོབ།། སངས་རྒྱས་སྐུ་ཡི་དབང་རྫོགས་པས།། གསང་བའི་ཡེ་རྒྱའི་རྩལ་དབང་ཐོབ།། སྐུ་དང་ཡེ་ཤེས་རྩལ་ལ་སོ་སོར
iiif viewer powered by OpenSeadragon
