| e-texts navigator |
| Wylie |
356b1 རྣམས།། རྒྱལ་བ་ཡབ་ཉིད་ཐབས་མཁས་པས།། ཐབས་མཁས་ཐུགས་རྗེས་ཡང་དག་བཟུང་།། བརྒྱད་ཁྲི་བཞི་སྟོང་ཐེག་པའི་སྒོས།། གསང་བའི་ཡེ་ཤེས་སྟོན་མི་ནུས།། དེ་ཕྱིར་གསང་བའི་ཐེག་པ་འདི།། རང་སྣང
356b2 སྟོན་ཕྱིར་རྒྱལ་བས་གསུངས།། བཅོམ་ལྡན་པདྨ་ཧེ་རུ་ཀས།། གསང་བ་ངེས་པའི་དབང་རྣམས་ཉོན་བསྟན།། ཨེ་མ་ངོ་མཚར་ཤིན་ཏུ་ཆེ།། ཨ་ཧཱུཾ་དཀྱིལ་འཁོར་ཐམས་ཅད་འདུས།། གསང་བ་ཕྱི་ཡི་རྟགས་བསྟན
356b3 པ།། ཡོངས་སུ་རྫོགས་པ་རང་ལུས་མཐོང་།། རིག་པའི་ཡེ་ཤེས་དཀྱིལ་འཁོར་ནི།། ལུས་ལ་རྣམ་པ་བཞིར་གནས་པས།། འདི་ཉིད་དུ་ཡང་བཞིར་བསྟན་པའོ།། གསང་སྔགས་ཐབས་ཀྱི་གཏན་ཚིགས་ལས།། རང་ལུས
356b4 མཚོན་ཕྱིར་དཀྱིལ་འཁོར་བསྟན།། ཨོཾ།། ཡང་དག་ཨ་ཉིད་ལྡན་པ་སྟེ། དང་ཨ་དང་གཉིས་སྟོན་པས།། ཡི་གེ་འཁོར་ལོ་བསྒོམ་པར་བཤད།། རྣམ་རྟོག་ཡི་གེ་ཧཱུཾ་དུ་བསྡུས་གྱུར་ན།། རིག་པའི་ཡེ་ཤེས་ཡི་གེ་ཧཱུཾ་དུ་གནས།། དག
356b5 པའི་དུས་ན་ཡི་གེ་ཨ་ཡི་རང་བཞིན་ནོ།། འབྱུང་བའི་དུས་ན་ཡི་གེ་ཨོཾ་དུ་འབྱུང་།། རིག་པའི་རང་བཞིན་དེ་བཞིན་རབ་གནས་པས།། གནས་པའི་དུས་ན་ཡི་གེ་ཕཊ་དུ་འབྱུང་།། མཐོང་བའི་དུས་ན་ཡི་གེ་སཱ་རུ
356b6 བྱུང་།། ཤེས་པའི་དུས་ནི་ཡི་གེ་ཧཱར་གནས་པའོ།། རིག་པའི་ཆོས་སྐུ་རྐྱེན་དང་རབ་བྲལ་ནས།། རིག་པའི་རང་བཞིན་བཙལ་ན་མི་རྙེད་དེ།། སེམས་ཀྱི་རང་བཞིན་སྣ་ཚོགས་ཀུན་ཏུ་རྒྱུ།། མིང་གི་རང་བཞིན་སྣ་ཚོགས
iiif viewer powered by OpenSeadragon
