| e-texts navigator |
| Wylie |
354b1 ཀྱང་།། སྐུ་དང་ཡེ་ཤེས་སྣང་བའི་ཕྱོགས་མེད་ལྟར།། སྣང་བའི་ཡེ་ཤེས་གཏན་ཚིགས་ཀུན་དང་བྲལ།། ཆོས་སྐུ་ཉིད་ལ་བསམ་གཏན་ཡེ་ནས་གནས།། མཚན་མ་ཉིད་ལ་མཚན་མ་ཉིད་གནས་པས།། གྲོལ་ལམ
354b2 མི་ཐོབ་རྟག་ཏུ་ཡུན་རིང་གནས།། རྟོགས་པའི་ཡེ་ཤེས་སྐྱེ་ཚུལ་དེ་བཞིན་ནོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས། སྣང་བའི་སེང་གེ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་རིགས
354b3 ཀྱི་སངས་རྒྱས་རྣམས་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་དགོངས་པའི་བདག། ཡེ་ནས་གནས་པའི་གསང་སྔགས་དོན།། རབ་ཏུ་བཤད་པ་ཇི
354b4 ལྟར་དོན།། གཞི་ཡི་ཡེ་ཤེས་རང་སྣང་བ།། ལམ་གྱི་ཡེ་ཤེས་ཐུག་པ་མེད།། འབྲས་བུའི་ཡེ་ཤེས་རྒྱུ་མཐུན་སྣང་།། དེ་ནི་གོ་བའི་དུས་ཡིན་པས།། ངེས་པར་གཏན་ལ་ཕེབས་མ་ཕེབས།། མོས་པའི་འཁོར་ལ་བསྟན་དུ
354b5 གསོལ།། འཁོར་གྱི་ཚོགས་ཀྱིས་དེ་སྐད་ཞུས།། དེ་ནས་ཀུན་བཟང་སེང་གེ་དེས།། མོས་པའི་འཁོར་ལ་བཀའ་སྩལ་པ།། ཀྱེ་མ་རིགས་ལྡན་སངས་རྒྱས་ཉོན།། སངས་རྒྱས་རྣམས་ཀྱི་མཛད་པ་ནི།། སྣ་ཚོགས་ཅིར་ཡང
354b6 མཛད་པ་སྟེ།། དོན་གྱི་དགོངས་པ་གཅིག་ལས་མེད།། སངས་རྒྱས་རྣམས་ཀྱི་སྐུ་དང་ནི།། གསུང་དང་ཐུགས་ཀྱི་དཀྱིལ་འཁོར་དང་།། ཡོན་ཏན་ཕྲིན་ལས་ལྔ་ལྟར་སྣང་བའོ།། དེ་རྣམས་ལ་ཡང་གསུམ་གསུམ་སྟེ།། ངོ
iiif viewer powered by OpenSeadragon
